E waqib’ eqa’lenelab’ rech ri wokajil ajchajil tinamit rechapataj ri’

297

Pa lajuj b’anow tzukunik xb’an pa saqarib’al we kamik e k’o waqib’ eqa’lenelab’ rech ri Wokajil Ajchajil Tinamit (PNC), kab’ixik k’o keb’ b’anow tzukunik maj pa usaqil xkib’ano pa le junab’ 2016, jeri’ ub’ixik xuya’o ri Subcomisario Eulogio Xula Ramírez, Taqanel rech ri  División rech Inspección xuquje’ rech Control rech ri Inspectoría General rech ri PNC, pa jun q’axaltzijolinik xb’an pa le Ministerio Público (MP).

Pa jjn tzukunik xb’antaj kumal eqa’lenelab’ rech ri Subdirección General rech Investigación Criminal de PNC xuquje’ kumal ri q’atol tzij rech ri MP, rumal ri’ xb’antaj kowinem xch’ob’ik che ri nik’aj eqa’lenelab’ chajin tinamit che ri xechapikr i’ k’o keb’ b’anow tzukunik xkib’an ri’ ri maj pa usaqil ri’, are ri’ xkib’an pa le Km. 16.5 pa Nimab’e kab’e El Salvador xuquje’ pa le Aldea El Platanar pa Santa José Pinula, are chi’ keqam k’aqb’al xuquje’ sib’alaj xkixib’ij ri winaq chi’, k’o nim b’otol pwaq xkeleq’aj chi’, ruk’ taq nik’aj loq’ pwaq, ruk’ ch’a’wib’alil, ri k’o rilb’alil chupam ri’, ruk’ k’aqb’al xuquje’ ruk’ ch’ich’ ri’.

E kuwach taq ri xechapatajik ri’ e k’o kajib’ eqa’lenelab’ rech ri División Especializada rech Investigación Criminal (DEIC) xuquje’ e k’o keb’ rech ri Comisaría 12 ri rech pa Llano Largo, k’o chi kuxo’l taq jun Subinspector, kuk’ nik’aj chik ri xch’ob’otaj kuwach ri’: a Domingo Luz Us, a Oscar Enrique Tzampop Ramírez, a Edras Romario Asencio Bernal, a Eduardo García Aquino, a Alvin René Jiménez Méndez xuquje’ ri a Rubidio Ermitanio Herrera Hernández.

Eri nik’aj eqa’lenelab’ ri’ che ri xechapik kab’ixik k’o nim elaq’ xkib’ano, xuquje’ k’o tzukunem xkib’an pa taq ja, k’o nim ri xkeleq’aj, k’o xkok’owisaj uwi’ tzij ruk’ ub’anik jun b’anow k’ax ri’ xuquje’ rumal kikojom b’ik atz’iyaqb’al k’o retal wokajil ajchajin tinamit chi rij ri’ rumal ri’ ketaq pache’ ri’ pa keb’ xuquje’ pa jo’lajuj junab’ ri’.

We kamik ri’ eri b’anow tzukunem chi rij ri’ are k’o pa nab’e uwach ri’ xuquje’ are rech kechap na chinaq xtaqaw kech pa b’anow k’ax ri’ are wari’ chak b’anom rumal ri Inspectoría General rech ri PNC, ri xkowinik xuch’ob’ kuwach kitzijol nik’aj itzel eqa’lenelab’ ri’.

Eri Subcomisario Xula Ramírez xuya’ ub’ixik che ri Wokajil Ajchajil Tinamit k’o ruk’ rajilab’al ch’awb’alil rech kopan suk’ pa le INSPECTORÍA GENERAL Tel. 3053 3687 ri’ chinaq k’o karaj kuya’ loq ub’ixik ya’talil k’ut kach’a’w loq wexa’ k’o kuya’ loq ub’ixik ri’ pa le wokajil ajchajil tinamit ri’.

“Are wa’ jun retal ch’a’wb’alil kopan suk’ pa Inspectoría General ri’ xuquje’ are ya’talik rech wexa’ k’o kachomaxik pa komonchak rij ri’ kumal ri nik’aj molaj ajchakunelab’ chi rij ri’ xuquje’ wexa’ rajawaxik ya’talil rech ke’opan che rilik ri kichak patan ri’ ketajin k’ut che ri b’anow tzukunem ri’, rumal ri’ eri tzukunik kab’antaj ri’ are taqom ub’anik rumal ri jun q’atol tzij xuquje’ e ch’ob’otal chi ke ri PNC ri ketaq pa b’anow tzukunik ri’ kachb’ilam rajchak ri MP”, xcha’ ri Subcomisario Xula Ramírez.

COMPARTIR