Xechapataj e lajuj winaq pa jun tzukunem ub’i’ “Operación Fantasma”

220

Pa le ya’olchajinik b’anow tzukunem ub’i’ “Fantasma”, eri Wokajil Ajchajil Tinamit (PNC), k’o jo’lajuj chi b’anow tzukunik xkib’an pa Escuintla, pa Nimatinamit Iximulew xuquje’ pa Chiquimula pa le kitzukuxik ri winaq che ri maj tojb’al xkib’an ri’, rumal uk’ayixik awan jastaq ri’, rumal xkitojtaj pwaq chi rij b’anow k’ayin jastaq ri’ xuquje’ rumal nik’aj chik b’anow k’ax ri’.

Rumal ri’ xb’antaj kowinem xechapatajik ri a Julio César Guerra Palma,   57 ujunab’, técnico rech ri SAT, a Fidencio de Jesús Castillo Ruiz,  19 ujunab’, a Erdvin Adalberto Marín Arévalo, 25 ujunab’, a Julio Cesar Reyes Morataya, 30 ujunab’, a Henry Antonio Someta Girón, 38 ujunab’, a Mynor José Girón Ortiz,   30 ujunab’, a Ronald Dagoberto Cordón Solís,   32 ujunab’, a Douglas Dionicio Lee Ramos, 40 ujunab’, a Gerson Esaú Navas Ortiz,   31 ujunab’, a Edvin Estuardo Rodríguez Balán, 31 ujunab’, a Santiago Martin Coj,  are uchak gestor aduanero ri are ri’.

Eri b’anow tzukunik xb’an chi kij ri’ xuq’alajisaj che ri jun nuk’wokaj b’anow k’ax ri’ are sib’alaj xkiya’ kiq’ij che resaxik kaxonach’ich’ k’a pa le puerto Quetzal, Escuintla, ruk’ k’ayij eri xkib’an che jacha’ tane’ xaq kakiq’axaj pa jun chik nimatinamit naj, emu wari’ man tzij taj are xakik’am b’ik xuquje’ rech xkakik’ayij pa we amaq’ ri’.

Aretaq xeq’alajin ri’ chi rij ri b’anow k’ax ri’, ruk’ utaqanib’al ri q’atol tzij, xmajtaj nim tzukunik chi rij ri’, junumisaxik ri b’anow k’ax ri’ ruk’ nik’aj chik xuquje’ are wa’ xe’aq’alajisaj ri’.

Pa taq le tzukunik xb’an chi rij ri’ e k’o 160 chi ajchajinelab’ xetaqik kuk’ e 124 chi tzukunelab’ chi rij nik’aj b’anol k’ax ri’, kachb’ilam ri ajq’atol tzij rech ri Ministerio Público.

COMPARTIR