E kajlajuj xechapatajik rumal xkib’an elaq’ pa taq wokajilal ri’

279

Eri Subdirección General rech B’anow Tzukunik chi rij taq b’anow k’ax uq’ab’il ri Wokajil Ajchajil Tinamit, aretaq xub’an ri ub’eyal tzukunik ri’, rech kib’antajil ri jun molaj b’anol k’ax che ri xub’an k’i k’ax pa taq ri Ministerio rech Salud xuquje’ pa taq ri Q’atb’altzij rech Chimaltenango xuquje’ Sacatepéquez, ri xya’ ub’ixik che k’o b’anow elaq’ xkib’an ri’, k’o yoq’onik itzelal xkib’an pa taq ri keqa’lenib’al ri’, k’o elaq’nik xkib’an ri’, k’o esab’al kitzijol ri winaq xkesaj ri maj pa usaqil ri’.

Rumal k’ut ri b’anow tzukunik xb’antaj ri’, eri wokajil ajchajil tinamit k’o 23 chi tzukunem xkib’an pa taq tinamit rech Chimaltenango xuquje’ pa Sacatepéquez, are rech b’a’ xkinimaj ri kajlajuj chi taqanik elinaq loq pa le Q’atb’altzij ri’ rech Q’aten Awan Kunb’alil ruk’ b’anow k’ax che ri uwachulew ri’, pa taq le 20 rech Abril rech 2017 ri’.

Rumal k’ut oxib’ ilob’al xkb’an chi rij ri’ rumal ri Contraloría General rech Cuentas, chi rij taq ri taqanib’alil rech pa uq’ijol 2015 xuquje’ 2016 pa Chimaltenango pa le q’atb’altzij rech San Juan Comalapa, Chimaltenango, k’o jun cholchak (rech kojb’al k’olib’al tz’aqib’al ri’), are ri’ man tzij taj emu wa’ xtoj chi rij Q500 mil chi pwaqilal ri’.

Eri xechapatajik e are k’ut: a Valeriano Pichiyá Culajay, xk’oji che Ajkalte pa Q’atb’altzij rech San Juan Comalapa ri are xchapik rumal k’ol xreleq’aj ri’. Ri al Marta Julia Coj Noj, ajchoq’e poq’sal meb’ilem aj Sumpango, Sacatepéquez.a  Marco Tulio Chirix Quina, xchap pa  San Juan Comalapa,are rajawtzij rech jastaq rech q’atb’altzij rech Cholchak rech San Juan Comalapa xuquje’ a  Antonio Baram Pichiya, ajsolil chak, xchap pa San Pedro la Laguna, Sololá.

Eri ilom pa le q’atb’altzij rech San José Poaquil, Chimaltenango, eri Contraloría General rech Cuentas, xuq’alajisaj che man k’ot k’i chak xb’an chi’, che k’o jun Q1 millón chi pwaqil xtoj chi rij ri’, rumal ri’ xtaq uchapik: a José Quill Sanic, xchapik rumal k’o xresaj b’ik maj pa usaqil rumal k’o xreleq’aj k’ut, ri are exalcalde rech San José Poaquil, Chimaltenango. Eri A Abner Gamaliel Xajil Tohom, K’amal b’e rech Choman Chak rech Q’atb’altzij ri’, ri are xchapik rumal man xunimaj taj uchak upatan ri’. Eri a Jairo Andrés Neftali Cutzal, ajsolil chak ri’, xchapataj pa zona 2 xuquje’ pa Juan Gabriel Macu Asibinac, ri are empresario, xchap chi la’ pa Patzicia, Chimaltenango.

Eri solinem xb’an pa le q’atb’altzij rech Santa Apolonia, Chimaltenango, xuq’alajisaj che k’o Q2 millones chi pwaq xtoj rumal ri q’atb’altzij chi’ ri maj pa usaqil ri’, rumal ri’ xchapatajik: a Cesar Augusto Mercar Velásquez, sindico Primero, xchap pa Tecpán, Chimaltenango, eri a Salomón Chonay Asijtuj, pa Santa Apolonia, xchap wi rumal b’anow elaq’ ruk’ b’anow oyowal aretaq xk’oji che uchak upatan ri’, a Marco Antonio Alemán, concejal II rech ri q’atb’altzij rech Santa Apolonia, xchapik rumal b’anow itzelal aretaq xk’oji che reqale’nib’al ri’ xuquje’ eri a Sebastián Sut Marroquín, xchap pa le aldea Xejubal, Santa Apolonia, Chimaltenango kab’ixik xa’rumal xaq b’anow itzelal xub’ano aretaq xk’oji che upatan ri’.

Pa k’isb’al rech pa le q’atb’altzij rech San Antonio Aguas Caliente, Sacatepéquez, xilotajik che k’o k’i elaq’ man utz taj xb’antaj pa le uq’ijol chak patan pa tinamit ri’, jacha’ jastaq maj pa usaqil xeloq’ik, rumal ri’ are wari’ xtoq’in che ri nimaq’atb’altzij rech uq’atexik B’anow Elaq’ pa taq Wokajil rech ri Ministerio Público ri’, rumal ri’ xtaq uchapik: a Roberto Guaran Jiménez xuquje’ a Luis Estuardo Urbina Aguilar.
Rumal ri’ xechapik rech xetaq pa q’atb’altzij ri’ rech kakich’ob’o kib’ chi’ chi rij ri b’anow k’ax xkib’ano ri’.

COMPARTIR