Xechapataj e 16 ajb’anol k’ax rumal xkik’aq ri PNC ri’

192

Chi ke ri xechapatajik e k’i chi ke ri e k’o pa esab’al kachib’al kumal nik’aj b’anol k’ax ri’

Eri Wokajil Ajchajil Tinamit sib’alaj ketajin che ri kichak patan ri’, rech kakinimaj ri ya’olchajinik ri’, rumal ri’ man kakita kan kib’ kexib’ix tane’, kumal nik’aj ajb’anol k’ax ri’, rumal b’a’ ri b’anow k’aqanik xb’antajik pa le q’ij ri’ e k’o k’ut e 16 chi b’anol k’ax ri’, xuquje’ k’o nik’aj raqarik k’aqb’al xraqataj ri’, k’o jun k’aqb’al nimpoq’sab’al, k’o jun alaj k’aqb’al, k’o chalecos rech tob’al ij, k’o ch’ich’ xuquje’ kejach’ich’ xerqataj kumal ri PNC rumal ri b’anow tzukunik sib’alaj ketajin chi rij kumal ri’, rumal ri’ kab’ixik katajin resaxik kichuq’ab’ nik’aj b’anol k’ax ri’.

Pa le 20 rech marzo kanoq, pa le Colonia La Florida, zona 19, k’o k’aqanik xb’an chi re jun ch’ich’ rech chajin tinamit are ri’ k’o ri xechapatajik pa le  7ª avenida colonia Primero de Julio, zona 5 rech ri tinamit Mixco, chi’ k’u ri’ xuquje’ xraqataj wi jun ch’ich’ kab’ixik eleq’am ri’ xuquje’ chi rij ri’ xchapataj ri a Mario Asael Arreaga Guzmán, 19 ujunab’ ruk’ kajib’ taqalna kijunab’ chi ke ri’, chi ke ri’ e k’o keb’ alab’om kib’i’ kikojom are “Jeferson” xuquje’ El Grillo, e are k’ut keq’alajin pa jun esab’al kachib’al, k’o k’aqb’al keqam kuk’ e jun molaj b’anol k’ax ri’.

Pa le zona 2 rech Santa Catarina Pinula xechapataj wi a Marco Antonio de La Cruz López, 25 ujunab’ xuquje’ ri a Leonel José Rodríguez Sánchez, 19 ujunab’, chi’ k’u ri’ xraqataj wi oxib’ k’aqb’al calibre 9mm. ruk’ ub’a’ k’aqb’al rech ri k’aqb’al ri’.

En Altos de Santa María, San Pedro Ayampuc, fueron detenidos Alvin Darío Morales, de 22 años, José Carlos Ortiz Palencia, de 19, a Jorge Emilio García Ruano, 20 ujunab’ xuquje’ a Carlos Rolando Ramírez Gálvez, 22 ujunab’, kab’ixik e are xkib’an ri k’aqanik chi ke ri eqa’lenelab’ rech ri  subestación 12-41.

K’o b’a’ jun microbús, keb’ raqarik k’aqb’al, jun chaleco rech tob’al ij, jun lanza granadas M-26 ruk’ jo’ob’ granadas xraqataj ri’.

Pa El Mezquital, zona 12 rech Villa Nueva xchap wi a Elías Eduardo Ajanel Domínguez 19 ujunab’, are k’ut ri xk’aqow kech ri keb’ eqa’lenel rech ri comisaria 14 pa le 3ª avenida xuquje’ 49 calle rech ri colonia Villa Lobos II, zona 12 rech Villa Nueva ri’

Pa le bulevar La Esperanza, zona 12 rech Villa Nueva xchapataj wi a Carlos Alejandro Yupe Meda, 22 ujunab’, kab’ixik are xub’an ri k’aqanik chi rij ri ch’ich’ rech chajin tinamit GUA-15-123 pa Villa Hermosa, San Miguel Petapa, chi’ xraqataj wi keb’ raqarik k’aqb’al xuquje’ ruk’ jun ch’ich’ ri taretal ri’ P-208FTQ marca Mazda rax rij ri’.

Pa k’isb’al rech pa le colinia El Limón, zona 18, xechapataj wi ri Laura Alondra Rivera Ramírez, 18 ujunab’, ri Jeeisar Judith Sánchez Hernández, 19 ujunab’ xuquje’ a Marvin Noé Santana Torres, 18 ujunab’ ri’, kuk’ xraqataj wi jun k’aqb’al .40, jun k’aqb’al chik ruk’ ub’aq’, kab’ixik e are xikik’aq jun ch’ich’ rech chajin tinamit ri’.

COMPARTIR