Rumal k’ut jun komonchak tzukunem xb’an kumal ri eqa’lenelab’ rech ri Wokajil Ajchajil Tinamit kuk’ ri q’atol tzij rech ri Ministerio Público, pa konojel xb’antaj kowinem xechapatajik e 25  chi b’anol k’ax e ajtoq’il pwaqil chi ke winaq ri’ kab’ixik e uwinaq ri Clica “Vatos Locos”, rech ri Pandilla rech ri Barrio 18,  aretaq xb’antaj ri 34 chi tzukunik pa Mixco, pa San Juan Sacatepéquez, pa San Pedro Ayampuc, pa Chinautla, pa Amatitlán, pa Villa Nueva, pa Villa Canales, pa Palín Escuintla xuquje’ pa San Marcos, je ri’ utzijol xuya’ ri Ministro rech Gobernación, Francisco Rivas Lara.

Eri Ministro kub’ij, are wari’ jun utzalaj k’utb’al uwach ri chak rech tzukunik ya’olchajinik katajin ri’ rech uq’atexik ri b’anow k’ax toq’inik chi ke winaq ri’, chi ke ri e ajk’ayib’, chi ke e ajb’insal ch’ich’ kuk’ ri e ajchoq’e ri’ pa taq le juyub’ tinamit xya’taj ub’ixik ri’.

 “Are wa’ uwach chakunem xb’antaj pa komonb’alil kumal ri keb’ taqawokajil pa le kiq’atexik ri nik’aj molaj b’anol k’ax e ajtoq’il pwaqil ri’, rumal k’ut qeta’m uj ajq’atb’altzij ri’ che ri’ b’anow k’ax ri’ are karesaj joremal ruk’ jorob’alil chi ke ri winaq e aj iximulew ri’, kuya’ k’ax chi ke ri e utz taq winaq ri kechakunik che ronojel q’ij kakikoj kichuq’ab’ che ub’anik utzilem pa we amaq’ ri’”, xcha’.

Rumal k’u ri’ eri Nab’e Wokajil Tz’ib’anem rech ri Ministerio Público, Ana Elena Guzmán Loyo, xub’ij che ri b’anow k’ax ri’ xkib’an nik’aj xechapatajik rumal toq’inik pwaq xkib’ano k’o tojb’al q’atoj tzij kab’an chi ke ri’, rumal ri b’anow itzel b’anow k’ax xuquje’ chi ke taq ri ch’ich’ e erelwinaq ri’ chi rij ri k’ax ri’ k’o ximb’al chi rij rech waqib’ pa kab’lajuj junab’ keqaj pache’ chi rij jujun taq b’anow k’ax ri’.

E k’o waqib’ mareros e salvadoreños xechapik

Xuquje’ eri taqawokajnel Ya’olchajinem pa Amaq’ ri’ xuya’ ub’ixik che are wa’ uwach ri chakunem katajin uchomaxik ruk’ ri nimatinamit rech El Salvador, pa le  ya’olchajinik ri’, rumal k’u ri tzukunem xb’anik xb’antaj kowinem xechapatajik e waqib’ winaq ri’ rech ri Mara Salvatrucha.

Xtotajik che ri Osmar Alexander Pinzón Fajardo ri q’ab’em ub’i’ “El Conejo”, ri a José Alonzo Marroquín López, ri q’ab’em ub’i’ “Ave”, a Eduardo Enrique Cruz Escobar, ri “Comején” kab’ix che, ri a Cesar Augusto Castillo Lemus, al Katherine Rocío Gómez Ramos, ri a Ramón Estuardo Dávila Gamarro, “el Tímido” kab’ix che, eri e are ri’ chi’ keraqataj wi’ ri taq’om k’ut kichapik xuquje’ eri k’ib’i’ tz’ib’atal pa jun wujil ri’ e are k’ut sib’alaj tajin e tzukum chi ke ri e 100 qas e tzukum pa El Salvador.

 “We jun chakunem ri’ are xb’antaj pa komon kumal ri jun wokaj e sak’aj ajtzukunelab’ rech ajchajil tinamit rech El Salvador xuquje’ kumal ri Uk’u’x Wokajil Ajchajinelab’ kib’i’ Transnacional Antipandillas wokom uwach eqa’lenelab’ rech ri PNC rech ri keb’ amaq’ nimatinamit ri’ xuquje’ are wa’ ri nab’e uwachinem tzukunik xb’an pa komonb’alil kuaml ri’ wokajil ajchajinealb’ rech antipandillas ri taqom ub’anik kumal ri e oxib’ k’amal b’e rech ri Triángulo Norte, ruk’ Guatemala, ruk’ El Salvador xuquje’ ruk’ Honduras ri’”, xcha’ ri Rivas Lara.

K’o nimalaj ya’olchajinik kub’sib’al k’u’x chi ke ri winaqil chi’

Aretaq xta che chi rij ri uyakik ri japache’ pa jun juyub’ pa le uq’ab’tinamit rech Villa Nueva, eri Ministro xuya’ ub’ixik che eri yakonik ri’ chi’ ma are ta ri’ k’ax maj kub’sib’al k’u’x chi ke ri winaq chi’ kuk’ ri keraqataj panoq chi’ xa’rumal k’o jun kub’sib’al uya’ik kab’an ri’ are ri’ jun nuk’wokaj rech q’atel b’anow k’ax, rech kesuk’umax ri e ajpache’ chi’.

Xuq’alajisaj ub’ixik pa jumul chik che ri japache’ kayak chi’ are rech kek’oji ri ixoqib’ e ajpache’ chupam kuk’ taq kal ri k’a kajib’ kijunab’ ri kamik keraqataj pa k’ax k’olem ri’, kojpa’ ri e yowab’ xaq’ keye’m chik kekamik, kojpa’ ri ri’j winaq ri pa konojel kek’oji chi’ e 400 chi winaqil ri’.

Swiffy Output
COMPARTIR