Eri Q’atb’altzij rech ri Wokajil Ajchajil Tinamit (PNC), rech ri Ministerio Público (MP) xuquje’ ri Comisión Internacional contra la Impunidad pa Iximulew (CICIG) xkiya’ utzijol ri keb’ achijab’ kab’ixik e are xekamisanik ri ajtzijolinelab’ ki’i’ Danilo Zapón López xuquje’ ri Federico Salazar ri xk’ulmataj kanoq pa le lajuj q’ij rech ik’ marzo rech ri junab’ 2015 pa Mazatenango, Suchitepéquez.

Eri q’atb’altzij xkib’ij pa le nab’e uwach tzukunem chi rij ri b’anow k’ax ri’ rumal ri División Especializada rech Investigación Criminal (DEIC) y MP xb’antaj kowinem xch’ob’ kuwach nik’aj winaq che ri xkikamisaj ri keb’ e ajtzijolinelab’ ri’ xuquje’ chi rij kichapik ri kajib’ winaq kab’ixik e are xkib’an ri k’ax ri’.

Eri K’amal b’e Taqanel rech ri PNC Nery Ramos Ramos, xuya’ ub’ixik che ri komon chak are xb’an kumal ri Wokajil rech ya’olchajinik xuquje’ rumal ri q’atb’altzij ri’ ri are wa’ xuya’ pa saqil ri ukab’ uwach b’anow tzukunik xuquje’ rech xb’antaj kowinem xechapik ri keb’ achijab’ e uwinaq ri jun molaj b’anol kamisanik ri’ che ri xekamisanik ri keb’ e ajtzijolinelab’ ri’.

Pa le ukab’ uwach b’anow tzukunik ri’ chi’ k’u ri’ xb’antaj kowinik xech’ob’ik kuwach ri taqanel chi ke nik’aj kamisanelab’ ri’ rumal ri’ xchap ri a Marco Tulio Cano Reyna xuquje’ a Marco Antonio Paredes Palacios ri kab’ixik e are xkichomaj b’anow k’ax kamisanik ri’ xuquje’ e are xkinawilij xkib’an ri kamisanik ri’.

Chi rij ri b’anow k’ax ri’ xtaq ub’ixik pa q’atb’altzij kesax ri tob’ab’al chi rij ri jun Diputado Julio Juárez Ramírez rumal xq’alajinik che k’o uwach ri are chi rij ri jun b’anow kamisanik ri’ xuquje’ rumal are xtaq ub’anik ri kamisanik ri’, are wa’ xch’ob’ik aretaq xtotajik uqul utzij pa taq le ch’a’wib’alil che ri winaq xkikamisaj ri’ xuquje’ chi’ xtotaj wi ri qas e taqanel kech ri nik’aj kamisanel ri’ xuquje’ ri e ajch’a’winelab’ pa le b’anow k’ax ri’.

Eri b’anow tzukunik ri’ xuq’alajisaj che ri Julio Juárez Ramírez, are kab’ixik xutaq ri b’anow kamisanik ri’, are xuchomaj utaqik kikamisaxik ri ajtzijolinel Danilo Zapón che ri ruk’ ri’ k’o k’i yoq’onik ri’ chi rij chinaq ko’k che Ajkalte pa le Q’atb’altzij rech Cuyotenango, Suchitepéquez xuquje’ rumal ri ya’ltzijol xub’ano chi rij ri jun tzukunem xub’an chi rij ri jun achi’ ri’ aretaq ukojom rib’ rech xraj xkoj che Diputado Juárez Ramírez ri’.

COMPARTIR