E k’o ajchak rech ri Ministerio Público xechapatajik rumal b’anoj k’ax ri’

230

Kab’ixik rumal b’anoj itzel b’anoj pa le kichak patan, xuquje’ rumal ma xkinimaj taj uwach taqanik ri’, e k’o oxib’ ajchak rech ri Minsterio Públcio xechaptaj ri’ rumal oxib’ uwach b’anoj k’ax ri’. Eri nab’e chi ke xchapatajik are ri jun auxiliar fiscal rech Mixco, Gustavo Adolfo Ayala García, rumal xraj xub’an k’ax che ri ixoqib’ b’anom k’ax chi ke, rech kakitoq’aj ta chik ri ximonik pa q’atb’altzij ri’.

Eri ukab’ xchapatajik chi ke are ri a Eduardo Ochoa Chicojay, ajk’alol jastaq rech ri q’atb’altzij rech Villa Nueva xuquje’ rumal puq’ab’ k’o wi xrechej rech xresaj ri uwujil toq’inik q’atoj tzij ri’ rumal ri’ xtanab’axik tzukunik chi rij jun b’anoj k’ax chi’.

Pa k’isb’al rech are chik xchapatajik ri a Eduardo Rodríguez Gálvez, rumal xresaj jun wujil pa uk’olib’alil pa q’atb’altzij rech Sacatepéquez. Rumal ri’ eri Stu Velasco rech ajtzukunem chi rij b’anoj taq k’ax ri’ xuya’ ub’ixik che katajin utzukuxik uwach ri jun b’anoj k’ax xk’ulmataj chi’ pa q’atb’altzij ri’ rech kilik katzukuxik kij konojel ri tzukunelab’ rech ri Wokajil Ajchajil Tinamit ri’.

 “Are wa’ jun komonchak xb’an ruk’ ri Ministerio Público, rumal ri’ sib’alaj rajawaxik kachotaj kuwach ri itzel eqa’lenelab’ ri’ rech ke’esax che keqale’nb’alil ri’, rech e kekojik e utz eqa’lenelab’ ri’” xcha’.

Nota: Génesis Agustín
Fotos: Roberto López

COMPARTIR