E k’o ri xek’oji che ajpatanelab’ pa Gobernación xechapatajik rumal jun itzelal chi rij taq qojomb’alil ri’

244

Ri Manfredo Pacheco Consuegra, ex viceministro administrativo rech Gobernación xuquje’ ri Walter Vásquez Cerón, ex director rech ri Wokajil Ajchajil Tinamit (PNC), xechapatajik, kab’ixik xa’rumal man utz ri rajil uqajik 47 chi ch’ich’ rech xekojik pa taq le taqawokajnem ri’.

Rumal ri’ kab’ixik are jun xsik’ix chi rij pa q’atb’altzij ri ri ex Ministro rech Gobernación, Mauricio López Bonilla xuquje’ xmajik uta’ik rech kesaxik ri tob’ab’al k’o chi rij ri ex director rech ri Sistema Penitenciario, Anthony Pivaral de León, ri k’o che ajq’atol tzij pa jun tinamit ri’.

Eri tzukunem chi kij ri’ xuq’alajisaj che nik’aj xek’oji che kipatan ri’ man xkitaqij ta unimaxik usuk’alil kiqajik nik’aj kumal ri’, jacha’ ri kub’ij pa le Taqanem rech Uloq’ik jastaq pa Taqawokaj  pa Amaq’ ri’, kab’ixik eri ch’ich’ xkiqajo are xikoj pa ub’i’ ri alilaj taq ch’ich’ ruk’ nik’aj chik jastaqil ri’.

Eri rajil pa ronojel kiqajik we nik’aj ch’ich’ ri’ are kopan pa Q32 millones 700 mil 491 ruk’ 09 setpwaq ri’ xuquje’ kab’ixik eri nik’aj xek’oji che kipatan ri’ xe’ek’owisan tzij pa le kitaqanik xkib’ano ri’.

Eri viceministro rech ya’olchajinik, Ricardo Guzmán, xuya’ ub’ixik ucholajil che k’o keb’ b’anow tzukunik xb’antaj ri’, are rech xnimaxik kichapik ri keb’ chi ke ri’. Xuquje’ xub’ij eri xb’antaj ri’ are wa’ rech kasaqab’saxik uwo ri taqawokajnem ya’olchajinik pa amaq’ ri’, jacha’ ri b’anow chak patan pa usaqil ri’.

Chi rij k’ut ri ub’antajik ri qajib’al ri nik’aj ch’ich’ ri’, ch rij ri’ eri taqawokajnel ya’olchajinik rech Gobernación ri’ Guzmán jewa’ xub’ij, “pa le uq’atb’alil uchak patan we kamik ri’ man k’ot chik pwaq tane’ katajin usachik ri’ xuquje’ are pa utzil kakoj ri’ kasach ri’”, xcha’.

Eri Ch’ich’ k’o tob’ab’al chi rij e qojom rumal ri Mingob

COMPARTIR