E k’o nik’aj b’anol k’ax xechapik rumal b’anow k’ax chi ke winaq ri’

272

Pa le b’elejeb’ chi tzukunik xb’antaj pa Villa Nueva xuquje’ pa Nimatinamit ri’, kumal ri Wokajil Ajchajil Tinamit (PNC) ruk’ ri Ministerio Público, xekowinik xkichap e waqxaqib’ winaq kab’ixik kiminom pa k’axalaj b’anikil chak, pa poqonil chak, pa b’anow itzelal ri winaq ri’ xuquje’ e k’o winaq kiya’om b’ik chi ke nik’aj chik winaq ri’.

Pa taq le tzukunik xb’an kumal ri wokajil ajchajil tinamit xekowinik xkesaj pa k’ax e oxib’ alitom ri’ xuquje’ k’o jun molaj chakub’al kematz’ib’ ruk’ ch’a’wb’alil k’o ilb’al b’anow itzelal chupam ri’.

Eri xechapatajik e are ri a Carlos Hermelindo Morales ruk’ ri Rosenda Hernández, ri kikojom jun b’anb’al wa lejenik ri’ chi’ k’ut kikojom wi e oxib’ ali taqal kijunab’ na ri e tz’apil chi’. Ri a José Ricardo Cabrera rumal b’anow itzel taq b’anikil ri’ xuquje’ rumal tajin kujipij chakub’al rech b’anow itzelal ri’ xuquje’ ri Claudeth Arana rumal pa maj usaqil kik’amom winaq kuk’.

Chi rij kinimik pa b’anow k’ax winaq ri’ xechapat ri’ e keb’ ri’ xuquje’ kuk’ keb’ winaq ke’opan che b’anow k’ax chi ke ri winaq keya’ pa kiq’ab’ ri’ chi la’ pa le ja ub’i’ “Awanb’al chapow alitom ixoqib’ ri’” ri k’o chi la’ pa le zona 11 colonia Las Charcas, ri e k’amom wi b’ik konojel kuwach ixoqib’ e centroamericano, ri xa’ e sik’im ri’ chupam uwachwujil pa kemamtzij ri’ xuquje’ k’o xa’ e sik’im cho taq wujil rech sik’ib’al kech ri’, rech te k’u ri’ kek’ayix chi ke taq achijab’ ri’.

Ei Stu Velasco, rech Investigación Criminal rech ri PNC, xuya’ ub’ixik che juntir ri xechapik ri’ e k’o e waqib’ pa konojel ri taqom kichapik rumal q’atb’altzij ri’ xuquje’ e k’o keb’ xechapik aretaq ketajin pa b’anow k’ax chi ke winaq ri’ xuquje’ eri b’anow tzukunik ri’ are wari’ uwach ri nim uq’atexik ri b’anow k’ax chi ke winaq ri’.

“Ma kaqaya’ taj kejo’saxik ri alitom e ch’uti’n na ri xa’ kab’an k’ax chi ke pa taq chak ri’. Pa we junab’ ri’ e 110 chik e esam pa k’axalaj taq itzelal chak ri’” xcha’ ri Velasco.

Are wari’ nim tijob’al chuq’ab’ b’anow chak rech kaq’atexik uwach ri k’ax itzel chak chi ke winaq ri’ xuquje’ rech kaq’atexik ri ub’antajik wa’ pa tinamit ri’, rumal ri’ eri Oficina rech ri Naciones Unidas rech Q’atel B’anow K’ax ri’ (UNODC) are ub’i’ pa inglés), xukoj ri ya’oltzijolinem ub’i’ “Corazón Azul” ri’, are rech uq’atexik uwach jun b’anow k’ax ri’.

Swiffy Output
COMPARTIR