Pa le q’atenik ri b’anow k’ax toq’inik pwaqil ri’, eri eqa’lenelab’ rech ri Wokajil Ajchajil Tinamit (PNC) kuk’ ri q’atol tzij rech ri Ministerio Público xekowinik xkichapo e 17 chi winaqil e uwinaq ri keb’ molaj b’anol k’ax toq’inik pwaq chi ke ri ajchoq’e ri ch’ich’ e erelwinaq pa Nimatinamit xuquje’ pa Suchitepéquez ri’.

Eri Stu Velazco, ukab’ k’amal b’e rech ri Investigación Criminal rech ri PNC, xuya’ ub’ixik ucholajil che ri nik’aj winaq b’anol k’ax are xb’antaj kowinem xechapatajik pa taq le 40 chi tzukunik xb’antaj kumal ri 400 eqa’lenelab’ rech ri wokajil ajchajil tinamit kuk’ ri ajtzukunelab’ ri’, are rech sib’alaj e chajital ri e chapom chik rech kek’am b’ik pache’ ri’.

Eri nik’aj xechapatajik e uwinaq b’anol k’ax ri barrio 18, xuquje’ e uwinaq ri mara salvatrucha xuquje’ eri tzukunem xb’an chi kij ri’ are xuq’alajisaj che e are nik’aj b’anol k’ax ri’ sib’alaj k’o nim toq’inik pwa xkib’an che e kajib’ e ajchoq’e ri ch’ich’ e erelwinaq pa taq tinamit ri’ xuquje’ e are je ri b’anow k’ax xkib’an chi ke jo’ob’ k’ayib’al, pa le keb’ junab’ qaraj k’o Q872 mil 78 chi pwaqil man k’ot pa usaqil umolik xkib’an ri’.

Eri nik’aj xechapatajik ri’ e are k’u ri’ a Luis García Ibañez, a Marvin Monroy, a David Cristal, a Felix Ruiz, a Edgar Montenegro, Lucia Gómez, Karla Gutierrez, Raquea Tomas, Milbia Martinez, a José Echeverría, a Derick Hernández, a Carlos Bravo, Alma Roldan, a Rodrigo Calderón, Emilsa Juares kuk’ oxib’ taqal na kijunab’.

Kab’ixik eri nik’aj b’anol k’ax ri’ eri kimak xkib’ano are b’anow kamisanik, are choman b’anow k’ax, elaq’nik, b’anow k’ax toq’inik pwaq chi ke ajchoq’e ch’ich’ erelwinaq, b’anow itzelb’anik xuquje’ b’anow taq xib’in winaq.

CHAWILA’ RI K’UTB’AL REH CHI’

 

COMPARTIR