Are b’a’ uwach le uchomaxik pa we Amaq’ ri’ pa le ya’olchajinik xuquje’ suk’umalil ri’ e are jun ri’ xetotab’enik le Ministerio Público (MP) ri Ministerio rech Gobernación, xb’antaj ri’, rumal ri’ eri taqawokajnel Francisco Rivas Lara xub’ij “Eri ya’olchajinik tzukunem are ri’ qas nim xb’an pa le utzijolil le Iximulew ri’”, pa ub’anikil ub’antajik ri’ xb’antaj kowinem xechap e jo’k’al lajuj b’anol k’ax e ajtoq’inel pwaq ri’, e uwinaq ri Mara Salvatrucha xuquje’ e k’o uwinaq ri Barrio 18.

 “Eri PNC xuquje’ ri MP pa le uchak upatan ri Fiscalía Contra las Extorsiones, xkib’an ri’ jun nim ch’ob’oj sak’ajil chomanik, chi rij ri’, rech xb’an nim tzukunem chi kij ri’ xuquje’ rech xeto’ik kumal le q’atol tzij aretaq xechapik ri nik’aj b’anol k’ax pa taq le 150 xuquje’ 125 pa b’anoj kichapik ri’, nik’aj b’anol ri sib’alaj xkinawilij b’anow k’ax chi ke e 11 uwokajil e ajchoq’e le ch’ich’ erelwinaq ri’, chi ke taq ri taxistas, ri ajk’ayib’ xuquje’ chi ke e ajk’ay  pa taq tinamit pa we amaq’ ri’”, xcha’ ri Ministro ri’.

Eri Rivas Lara xub’ij nab’e ri’ xchomaxik ri b’anow tzukunik ri’, k’o jun chomanik xb’an chi rij ri xetz’apix wi nik’aj winaq aretaq xechap ri’, rumal ri’ xjach kuwach pa taq le japache’ ri’.

Eri Patricia Flores, rech ri Ministerio Público xuya’ ub’ixik ucholajil che ri nik’aj b’anol k’ax elaq’omab’ ri’ k’o jun millón 989 mil chi pwaqil xkimol pa le b’anow k’ax toq’inik pwaq ri’, rumal ri’ chi kijujunal k’o pa waqib’ junab’ pa kab’lajuj junab’ ketz’apib’ pa japache’ ri’.

E k’o mil 500 ajchajil tinamit xekoj ri’

Eri k’amal b’e rech ri PNC, Nery Ramos xuya’ utzijol che pa le ub’anik tzukunem ri’ e k’o mil 500 eqa’lenelab’ ajchajil tinamit xekojik pa kab’lajuj tinamit xuquje’ pa Chimaltenango k’o jun ajtoq’inel pwaq ub’i’ Chocón Teque, xchapatajik, kab’ixik are rajawtzij chi ke jun molaj b’anol k’ax chi’.

 “E k’o k’ut e 200 chi ajtzukunelab’ xekoj chi’, ruk’ 200 chi ch’ich’ xekoj ri’, ruk’ keb’ helicópteros xekoj chi’ ri k’ax ri okem chi’ xuquje’ are wa’ nab’e mul xkoj le k’ak’ no’jchakub’al chi’ le MI3 AFIS, ruk’ wa’ xb’antaj kowinem xch’ob’otaj kuwach ri nik’aj b’anol k’ax xechapatajikr i’”, xcha’ ri Ramos.

 

COMPARTIR