Xechapataj nik’aj k’amal b’e kech ri mara Salvatrucha che ri katajin kitzukuxik pa taq tinamit naj

179

Eri Wokajil Ajchajil Tinamit, pa le reqale’nib’al ri Subdirección General rech Investigación Criminal (SGIC), pa le reqale’nib’al uchak patan ri División rech Kiq’atexik kuwach ri Pandilla (PANDA) xuquje’ ri Centro Antipandillas Transnacional (CAT), pa komonchak kuk’ ri q’atol tzij rech ri Ministerio Público, xkib’an k’iyalaj taq tzukunik ri’ rech xkichapo nik’aj mara Salvatrucha che ri xkib’an elaq’ toq’inik pwaq ri’.

Eri ya’olchajinik xb’antaj pa junamil ri’ pa taq ri zonas 21, 18, 13, 7, 6, 5, 4, 1 rech pa nimatinamit ri’, pa San Miguel Petapa xuquje’ pa San José Pinula, rumal ri’ xb’antaj kowinem xechapatajik e 7 chi winaq b’anol k’ax ri’, chi kuxo’l xb’antaj kowinem xechapataj e keb’ taqanel chi ke ri pandilla e winaqil salvadoreño kib’antajil ri’, ruk’ jun ala taqal na, xraqataj k’ut 9 chi k’aqb’alil kuk’, ruk’ ub’aq’ rech jalajoj ucalibres, ruk’ jun nimpoq’sab’al ri’, ruk’ waqib’ chi ch’ich’ rech keb’inisaxik ri’ kab’ixik eleq’am ri’, ruk’ 16 chi ch’a’wib’alil xraqataj kuk’ xuquje’ ruk’ marihuanan ri’.

Eri xechapik

Eri nab’e xchapik ri’ are ri a Pedro Benjamín Rivas Zelaya xuquje’ a José Isaías Flores De Paz, uq’ab’em ub’i’ “Sniper y/o Pedro”,  are pandillero salvadoreño, uwinaq b’anol k’ax ri jun molaj ub’i’ Clica Criminal Mafiosos xuquje’ uwinaq nim upatan pa le jun Nim nuk’wokaj rech ri Mara Salvatrucha ub’i’ Ri Federación, ri kaq’axax wi b’ik cho taq k’ulb’a’t juyub’ pa amaq’il ri’, Las Chinamas, Jalpatagua, Jutiapa, rech kesax b’ik chi’ rech kajach b’ik pa kiq’ab’ ri q’atb’altzij rech El Salvador, are ri sib’alaj katajin utzukuxik chi ke ri e 100 che ri kesamul kib’ pa kiq’ab’ ri q’atb’altzij salvadoreñas ri’.

Xuquje’ xchapaj ri jun salvadoreño Cristian Fuentes Ajosal 33 ujunab’, uq’ab’em ub’i’ “El Baby”  pa le tinamit San Cristóbal, zona 8 rech Mixco. Kab’ixik are uwinaq ri jun molaj b’anol k’ax ub’i’ Criminal Mafiosos, ukab’ taqanel chi ke ri Mara Salvatrucha ri qas tzukum rij pa taq nik’aj chik tinamit naj ri’.

Eri konojel kuwach ri xechapatajik ri’ e are: al Wendy Fabiola Castellano Flores, 34 ujunab’, k’o jun ala taqal na 17 ujunab’, a Salvador Alexander Rivera, 25 ujunab’, alias “El Chirrias”, al Silvia Yolanda Hernández Gonzales, 29 ujunab’ xuquje’ al Yolanda Verónica Raxic Pérez, 23 ujunab’, a Luis Adolfo Chay Coj 22 ujunab’.

Pa jun tzukunem pa le zona 6, xraqataj wi jun k’aqb’al ri’ xuquje’ ruk’ 42 ub’aq’ rech k’aqb’alil calibre 38, e pa le colonia 4 de Febrero zona 7, chi’ xraqataj wi kajib’ ch’ich’ che e eleq’am ri’ are uplacas P-211FZD marca Toyota ri eleq’am pa le  9-4-2017, P-216DBT umarca Volvo eleq’am pa le 6-04-2017, P-098CXG umarca Peugeot eleq’am pa we ik’ ri’ xuquje’ eri taretal are P-530FLT umarca Honda eleq’am pa le 06-03-2017 ri’.

E k’o nik’aj chik chi ch’ich’ e eleq’am kab’ixik, xeraqataj ri’ pa el 34 avenrida pa jun parqueo rech jun gasolinera pa le zona 5 ri’.

Eri nik’aj b’anol k’ax ri’ man k’ot chik kakiwajo wi kib’, we kaya’ kib’ixik pa kiq’ab’ ri PNC rumal ri’ eri winaq tinamit ri’ ya’talil b’a’ rech kakiya’ loq ub’ixik pa le 110, pa le Chb’ij loq che ri a Waldemar pa le 1561 ri’ xuquje’ pa le ch’a’wib’alil rech antinarcótica 1577 ri’.

COMPARTIR