Xechapataj e wuqub’ winaq kab’ixik e elaq’omab’ ke’ok pa taq ja

275

Are wa’ ri kichak kib’anom ri tzukunelab’ rech ri pa Kiwokajil e Ajchajil Umeb’il Amaq’ rech ri (DEIC) xuquje’ rech ri Q’atb’altzij pa Uk’u’x Nimatinamit, maltyox b’a’ chi ke xb’antaj kowinem xeb’antaj 30 chi tzukunem pa taq le wokja rech ri zona 12 rech Villa Nueva xuquje’ zona rech ri pa Uk’u’x Nimatinamit,  rumal ri’ xb’antaj kowinem e k’o wuqub’ winaq b’anol k’ax xechaptajik xuquje’ ri ketaq b’ik ri’ pache’ tz’apib’al xuquje’ e are k’ut e uwinaq ri jun molaj b’anol k’ax ri’, kab’ixik b’anow k’ax elaq’ tajin xkib’ano ri’.

Eri xub’ij ri Sub Director rech ri Investigación Criminal, Stu Velasco, eri nik’aj winaq b’anol k’ax ri’ xechapik rumal xkib’an elaq’ pa taq ja kik’olib’al winaq ri’ pa taq le zonas rech jun, 2, 5, 7, 13, 14, 15, xuquje’ pa le rech 16 ri a Óscar Arnulfo López Chutan, 37 ujunab’, a Joaquín Salomón Rodríguez winaqil nicaragüense ri are, a Abigail Eleazar Aguilar, 27 ujunab’, a Brandon Alexander Pérez Mexicanos, a Marco Aurelio Franco Bol, 34 ujunab’ xuquje’ a Eberto Noé Delgado Saenz.

Eri xub’ij ri Velasco, eri xechaptajik k’o ch’ich’ rech b’inisab’al xraqataj kuk’ are xq’alajisax pa le ilb’al taq ichb’al ri’, chi’ k’ut xq’alajin wi ri b’anow k’ax xkib’an ri’ xuquje’ k’o pwaq katena, nik’aj chik jastaq xraqataj kuk’, k’o kematz’ib’, ch’a’wb’alil xuquje’ je’lalil taq ichb’al b’anom le 350 mil chi pwaqil rajil ri’, are wari’ xraqataj kuk’ ri’.

Jas ub’inikil ri b’anow k’ax xkib’an ri’

Eri Mayra Véliz, Secretaria General del Ministerio Público xub’ij eri nik’aj b’anol k’ax ri’, nab’e xkichola’ ri ja che ri xe’ok che b’anow elaq’, xuquje’ k’o wa’katem xkib’ano pa keb’ ch’ich’ xkib’inisaj chi rij taq pa le b’elejeb’ kajb’al rech saqarib’al k’a pa taq le keb’ kajb’al rech qajib’al q’ij, pa taq le q’ij lunes xuquje’ pa taq viernes, k’o xe’al kaq pa jun ch’ich’ rech xechajin chi’ xuquje’ k’o xeb’in pa jun chik ch’ich’ ri’ pa le jun chik ch’ich’ k’ elaq’om xopan che kilik we e k’ot winaq pa taq le ja ri’, xkilo we k’o ketak’ab’ wi ch’ich’ ri’ rech kakib’ilij b’ik ri jastaq kakeleq’aj b’ik ri’ rech te k’u ri’ keb’e che uk’ayixik pa le mercado El Guarda, chi rij wa’ le jastaq ri’ k’o nim pwaq xkimol chi rij ri’ maj pa usaqil ri’.

COMPARTIR