Xechapataj nik’aj b’anol k’ax rumal k’i uwach ri kimak kib’anom ri’

208

Kab’ixik e are xexim pa q’atb’altzij rumal k’o jo’ob’ kamisanik kib’anom ruk’ nik’aj chik k’i uwach b’anow k’ax kib’anom ri’, e waqxaqib’ xechapataj chi ke ri’ kab’ixik e uwinaq ri mara salvatrucha e are k’u ri’ xechapataj kumal ri eqa’lenelab’ rech ri Wokajil Ajchajil Tinamit (PNC).

Eri xechapatajik e are: a Cristian Alexandro Díaz Gutiérrez, 19 ujunab’, al Yendi Corina López Juárez, 31 ujunab’, a Luis Daniel Ocoix, 23 ujunab’, a Marlon Alfredo López Ávila 18 ujunab’, a Edgar Benjamín López Juárez, 41 ujunab’, Hembly Luisyana Fernández Pérez, 36 ujunab’, a Alan Eduardo Figueroa Hernández, 20 ujunab’ xuquje’ jun ala 15 ujunab’ ri’.

Eri nik’aj b’anol k’ax ri’ e are xechapatajik pa le 26 chi tzukunik xb’an pa Villa Nueva xuquje’ pa San Miguel Petapa, are wa’ uwach ri jun b’anow tzukunem xb’an chi rij jun ali che xkamisax kanoq ri’, ri porom chik xuquje’ ch’aqap xb’an che, jeri’ ruk’ nik’aj chik b’anow k’ax pa le 2016.

Eri Jorge Aguilar, ajtzijolinel rech ri PNC, xuya’ ub’ixik ri’ che pa le tzukunem ya’olchajinik ri’ e k’o 260 chi eqa’lenelab’, ruk’ 52 chi tzukunelab’ xuquje’ ruk’ jun molaj tz’i’ eqa’lenel tzukunik ri’. Xuquje’ xuya’ ub’ixik ucholaj chi rij le winaq che ri kaminaq xraqataj pa le jun ja k’olib’al ri’.

 

COMPARTIR