Xechapataj jun molaj e ajtoq’inel pwaq ri’ rech ri mara Salvatrucha

244

E k’o waqxaqib’ winaq xechapatajik ruk’ jun ala ri’ xek’am b’ik pa q’atb’altzij ri are wa’ ri xchakux uwach we kamik kumal ri Wokajil Ajchajil Tinamit (PNC) xuquje’ rumal ri Ministerio Públcio (MP) pa le juyub’ tinamit rech Villa Nueva.

Eri nik’aj winaq che ri xechapatajik ri’ e uwinaq ri jun molaj b’anol k’ax kamisanik kib’i’ Clica Coronados Locos rech ri Mara Salvatrucha kab’ixik eri k’ax tajin xkib’ano are ri’ b’anow elaq’ toq’inik pwaq ri’, b’anow kamisan winaq ri’, choman b’anow k’ax ri’ xuquje’ rumal b’anow itzel xib’inik chi ke winaq ri’ aretaq kakib’an k’ax chi ke ri’.

Eri Subcomisario Nery Benito Hernández, taqanel rech ri División Especializada rech Investigación Criminal DEIC –PNC, xuya’ ub’ixik che we jun ukab’ uwach ya’olchajinik ri kakib’an che kiq’atexik ri jun molaj b’anol k’ax kamisanik ri’.

Eri b’anow tzukunik chi kij ri’ are xmajtajik pa b’elejeb’ ik’ kanoq xuquje’ xq’alajinik che ri jun molaj b’anol k’ax ri’ are xkimol Q180 mil chi pwaqil pa ronojel ri’, ri toq’inik wpaq xkib’an chi ke e 20 b’anow k’ayij chi’. Eri nik’aj xechapatajik ri’ kab’ixik xuquje’ e k’o oxib’ winaq kikamisam ri’ xuquje’ e k’o keb’ winaq chik xkisak che k’aqb’alil ri’.

K’o 26 chi tzukunem xb’antaj pa taq ja k’olib’al ri’ rumal ri’ xb’antaj kowinem xechapataj e 9 winaq b’anol k’ax ri’ kab’ixik e are ri’: a Alan Eduardo Figueroa Hernández, a Marlon Alfredo López Ávila, a Cristian Alexandro Díaz Gutiérrez, a Luis Daniel Ocoix, a Edgar Benjamín López Juárez, al Yendi Corina López Juárez, ri Hembly Luisyana Fernández Pérez, a José Francisco Rubí Moran ruk’ jun ala taqal na ujunab’ juntir ri’ xek’am pa q’atb’altzij rumal ri k’ax kab’ixik xkib’an ri’.

Xuquje’ xb’antaj kowinem xraqatajik 17 chi ch’a’wb’alil, jun kejach’ich’, ruk’ nik’aj k’olib’al ub’i’ USB, ruk’ ub’aq’ taq k’aqb’al xuquje’ k’o jun kaminaq panik’aj muqum ri’ xraqataj ri’ pa jun ja achochib’al ri’ pa jun ja xtzukux upam pa le zona 4 rech Villa Nueva.

COMPARTIR