Eri Japache’ pa Villa Nueva are rech kek’oji e 625 chi e ajpache’ chupam ri’

95

Pa le riqb’al ib’ chomanik ri’ rumal ri’ Diputada rech ri Convergencia rech ri Wokajil B’anol Taqanib’al pa Amaq’ilal ri’, Sandra Moran ruk’r i Viceministro rech Q’atel K’ax ri’, Axel Romero, chi’ k’ut xya’taj wi ub’ixik che k’o jun molaj ajchomanel rech ya’b’al ub’ixik chi ke ri winaq rech Villa Nueva rech kakik’am uto’ik eta’manik chi rij ub’anikil jun K’ak’ Japache’ Tz’apib’al e Ajpache’ chi’ (ri are wa’ kamik q’atatil ri’), are rech b’a kek’oji chupam e 400 chi ixoqib’ kuk’ taq kal ri’xuquje’ kuk’ e 225 e ri’j winaq chik ri e tz’apilik pa le Wokajil Japache’ ri’ xuquje’ eri winaq ri’ man e ajb’anol k’ax kamisanik ri’ chi ke ri winaq pa tinamit ri’.

Rumal k’u ri’ eri q’atb’altzij rech ri Ministerio rech Gobernación ki b’enam e petinaq wi’ kuk’ ri winaqilal rech Villa Nueva ri’, rech e b’enaq chi uya’ik ub’ixik ucholajil chi rij ri jun K’ak’ Japache’ chi’ are rech jun b’anow chomanik pa we amaq’ ri’.

 “Eri jun k’ax xupetisaj ch’oj chi’ are xa’rumal man k’ot utzijoxik xb’anik chi ke ri winaq chi’ xuquje’ are rumal ri’ kixi’m kib’ che rilik jun japache’ chi’, man je ta k’u ri’ ub’antajik ri’ xa’rumal e 400 chi ixoqib’ kuk’ taq kal xuquje’ ruk’ e 225 chi winaqil e ri’j chik, kek’oji chi’, are ri’ jun japache’ rech Kesuk’umax wi’ ri winaq kiraqom nim k’ax ri’”, xcha’ ri Romero.

Rumal ri’ eri Sandra Morán, xub’ij che “kaqaterenb’ej uchomaxik jun k’axk’olil ri’, are rech b’a’ konojel ri winaq tinamit chi’ kakito utzijol ucholajil xuquje’ rech kakesaj pa kijolom chi ri japache’ chi’ are rech kesuk’umaxik ri winaq ri’, chi’ pa Villa Nueva”.

Xuquje’ rumal ri’ ketajin uchomaxik che ri Q’atb’altzij rech Ya’talil Winaqil ke’ech’a’w kuk’ ri winaq ri’ xuquje’ rech kemol pa jun riqb’al ib’ chomanik ri’.

Are rech kasuk’umax chi’

Eri uk’ak’ taq uwach ri jun K’ak’ Rachoch Japache’ chi’: man k’ot wi saq’arem; rech sib’alaj kesuk’umax ri winaq chi’ xuquje’ chi’ kaketa’maj kakib’an kirikil chi’, ruk’ nik’aj chik je’lalil jastaq b’anow chak ri’.

Xuquje’, xuya’ ub’ixik che man k’ot najch’a’wib’alil kakoj chi’.

Eri Japache’ chi’ k’o etz’enb’alil chupam ruk’ k’ache’laj chi rij ri’

Eri viceministro Axel Romero, xutzijoj che ketajin che uch’ob’ik kakiyak’ chi’ jun Japache’ Ub’anikil rech Etza’nib’al K’ache’laj rij pa rulewal ri Naciones Unidas are nim na pon chuwach ri k’olib’al k’o wi ri Guatel ri’.

Swiffy Output
COMPARTIR