Chi la’ Panamá xchap wi loq rumal ri Interpol jun b’anol k’ax rech ri molaj kib’i’ Nik’aj Topacio

227

Pa jun komonchak kumal ri Interpol PNC Iximulew ruk’ ri Interpol Panamá, pa taq le 07:20 kajb’al ri’, xb’antaj kowinem xchap loq ri jun achi’ ub’i’ Roberto Eliud Juàrez De La Roca are winaq aj iximulew ri’, 58 ujunab’ ri’, kab’ixik eri k’ax ub’anom are Choman B’anow K’ax ri’, Ukojik Wujil maj pa Usaqil ri’ xuquje’ rumal b’anow taq elaq’nik ri’.

Ri tzijol chi rij ri’:
Eri Subdirección General rech Investigación Criminal (SGIC-PNC) xuya’ ub’ixik che ri INTERPOL Iximulew ri’ rech rumal ri’ pa le jun b’anow tzukunik ri’ xraqataj jun winaq ri’ xuquje’ are xraqik chi la’ Panamá, rumal ri’ kab’ixik che ri qachib’il e ajchajinel e k’o pa le jun nimatinamit la’ xuquje’ rumal ri’ xmajtaj jun nimalaj utzukuxik jun winaq ri’, rumal le b’anow komonchak chi kuwach ri keb’ amaq’ nimatinamit ri’.

Eri jun winaq ri’ are uwinaq ri jun molaj b’anol k’ax ub’i’ “Los Topacio” jacha’ tane’ ajchoq’e ri’, rumal ri’ xreleq’aj kijastaq kijuyub’ kachoch ri winaq ri’, rech xe’utz’ib’aj pa le Registro General rech ri Propiedad rech Guatemala ri’, xuk’ex uwach ri wujilal xukojo xuquje’ are xuk’am pa uq’ab’ ri juyub’ achochib’al junam tane’ ruk’ xa’ uya’om pa taq qojompwaq ri’ pane’ b’a’ reta’m ri are che are wari’ k’o q’atb’atlzij chi rij ri’.

Xb’antaj kowinem xchapataj k’ut, xab’a’ maltyox che ri kitob’anik e ajchajil tinamit rech pa le jun chik nimatinamit la’; eri uchapik ri’ are ri nab’e xchap loq chi la’ pa le utzijil chi kuwach ri Guatemala xuquje’ Panamá, eri Juárez tenía Nota Roja ya’tal utzijol ub’ixik pa le uwachwuj pa kemamtzij rumal ri INTERPOL ri’.

We chanim ri’ are tajin reyexik rech katz’aq uwach ri wujilal che ri katajin chi rij ri’ chi kuwach ri Nimatinamit Iximulew ruk’ ri Nimatinamit Panamá ri’ rech te k’u ri’ kak’am loq chi’.

COMPARTIR