Eri CIEN kub’ij: eri Japache’ kakoj pa Villa Nueva chi’ kek’oji wi ri ixoqib’ e tz’apil pache’ ri k’o qas rajawaxik chi ke

91

Eri ajch’ob’onel rech ri Centro rech ri Investigaciones Económicas Nacionales (CIEN),  Corinne Dedik, aretaq xjachataj ri ub’ixikil ri chak ub’anom chi rij ri’ ¿Jas kb’an chi ke ri e ajpache’ kititz’im kib’ kajach kuwach pache’ tz’apib’al pa Iximulew ri’?, chi rij xub’ij eri uyakik ri japache’ tz’apib’al chi’ are rech kek’oji ixoqib’ chupam chi’, ri are wa’ utz kilik ri’, xa’rumal sib’alaj konojel ri’ k’o nimalaj rajawaxik chi ke rech keto’ik.

Xuquje’ xub’ij che are wa’ k’o nim kupatanij kayakik ri k’ak’ rachoch japache’ chi’, rech kesuk’umax ri e ajpache’ ri’ chi’ xuquje’ rech man kakib’an ta chik pa jun 60% b’anow k’ax ri’.

Eri viceministro rech Seguridad, Ricardo Guzmán Loyo, aretaq xuk’am jun ub’ixkilem ri’, xub’ij che are wa’ retal kojb’al choq’ab’ chi rij le b’anom chak patan ri’ ub’anom chi rij ri uchomanik xuquje’ unuk’wokajil ri CIEN ri’, xa’rumal are karaj kub’an jun nim utzilem pa le juntir ri Wokajil Japache’ ri’ pa le kijamik kuwach ri e ajpache’ chi’.

Xuquje’ xub’ij che ri are utz kurilo juntir le katajin uchomaxik chi rij ri’, man je ta ri’ chi rij ri nab’e uwach ri’ chi rij ri titz’ib’al ib’ keraqataj wi chi’ ri e ajpache’ ri’ xuquje’ are wa’ kuya’o nik’aj chik itzelal ri’, rumal ri’ man juntir ta ri’ utz ri kurilo ri ub’anikil ri’. Ri in kinwilo kcha’ ri Guzmán are nimalaj rajawaxik b’a’ kachomaxi rech kajamatajik ri kititz’im wi kib’ ri’, are ri qas rajawaxik kachomaxik ri jun k’axk’olil ri’.

Xuquje’ xub’ij che ri pwaqil ya’tal che ri SP, rech ri tojb’al uchak patan ri’, junam ri’ uwach kaya’taj na che, junam ri’ kub’ij che ri pwaqil tojb’al chak patan ri’ are ri’ kakojik rech kepatanix ri e 6 mil 700 chi e ajpache’ ri’, are kajilab’al ri’ kuq’i’o le rachoch japache’ chi’, kejipix k’tu kuwach e 20 mil 800 chi e ajpache’ chanim, xuquje’ ri nik’aj chik rachochib’al japache’ ri’ ri man utz ta che kisuk’umaxik ri’ xuquje’ are wari’ kuya’o nimalaj k’axk’olil ri jun itzelal chomanik b’anom chi rij ri’ rumal ri’ ok’owinaq uwi’ pa jun 60% ri’.

Ri Guzmán ri’ sib’alaj xuya’ ub’ixik che ri jun ub’ixikil ch’ob’ow chak patan b’anom rumal ri wokajil CIEN ri’ ruk’ ri Ministerio rech Gobernación katajin upatanixik ri’ ruk’ ub’antajil ri jun k’ak’ k’am’ ub’eyal taqanik pa wokajil japache’ ri’, eri jun b’anikil ri’ qajinaq ri’ uchuq’ab’ pa jun 5% ri’ xuquje’ are wari’ kuya’o rech kajamataj kuwach pa taq le japache’ ri’, are wari’ rajawaxik kachomataj b’a’ pa le uwokajil q’atb’altzij ri’ xa’rumal eri SP ri’, are jun uchapib’alil k’o pa le uwokajil q’atb’altzij ri’ che ri rajawaxik kachomaxik.

 “Rajawaxik b’a’ kak’ex ri ub’anik katajinik ri uchomaxik pa taq le q’atoj tzij ri’, eri ub’anikil ri’ are rajawaxik sib’alaj pa jikomal kab’an che rech kak’exitaj uwach ri pa uwokajil ri Organismo Judicial ri’, are rech ke’opan b’a’ pa taq le japache’ rech kakib’ano q’atoj tzij chi’ b’a’ xuquje’ rech man k’ot e ajpache’ kek’am b’ik pa taq q’atb’altzij ri’ xa’rumal man ya’tal taj che chi la’ kek’am wi b’ik ri e ajpache’ pa q’atoj tzij ri’”.

Swiffy Output
COMPARTIR