Are rech b’a’ kab’an utz che ri q’alajisab’al ri’ xuquje’ rech katoq’ixik uq’atexik ri b’anow k’ax kamisanik ri’, eri Uk’u’x Wokajil rech taq Tzukunik ub’anikil Pwaqilem pa Tinamit ri’ (CIEN),  xujach’ che ri Ministerio rech Gobernación ri solwachinik ub’i’ ¿Jas uya’ik uchuq’ab’ ri komonb’alil pa taqawokajil rech ub’anikil taq tzukunik chi rij taq ri k’ax ri’?

We jun solwachinik ri’ are xb’antaj ri’ pa le jo’ob’ ik’ kanoq pa le 2016 ri xuya’ pa retalil jas ri utz ub’antajik ri ub’anikil ri wokajil ya’olchajinik ruk’ ri suk’umalil pa 2015 are xopan pa le 13% xuquje’ eri upatanil ri b’anow tzukunem pa le Wokajil Ajchajil Tinamit ri’ (PNC), are pa jun 28% ri’.

Eri viceministro rech ya’olchajinik, Ricardo Guzmán, xutzijoj che sib’alaj utz kab’an jun utzalaj solwachinik ri’ pa le ya’b’al tob’anem che ri ya’olchajinik ri’.

“Kojtajin k’ut che resaxik pa saq ri tzijob’enik pa le retalil chi kuwach ri tzukunel ruk’ ri q’atol tzij ri’, rech xaq ta kasach q’ij che xuquje’ rech kakojik k’ak’ taq ub’anikil pa taq le tzijob’en ib’ ri’. Kinmaltyoxij ri ch’ob’ow ri’ che kuto’n ri’ xuquje’ ri kakoj na ri’ rech b’anow utzil pa ronojel taq q’ij ri’”, xcha’ ri Guzmán.

Rumal k’u ri’ eri Francisco Jiménez, ajno’jinel xuquje’ ajchakul rech ri jun b’anow ch’ob’onem ri’, xuya’ ub’ixik che jujun taq uwach ri jun chakunem ri’ k’o itzelal che. Eri uwachinem ri b’anow tzukunik kumal ajchajin tinamit ri’ sib’alaj maj ri’, eri b’anom k’ut ma utz ta b’anom che je ri’ ub’ixik xuya’o, we kab’an ri’ xaq kasaq’aris le ub’anik ri’ xuquje’ are wa’ sib’alaj rajwaxik kab’an rilik ri’ rech b’a pa k’o ujikomal ri kajach ri’.

Eri k’amal b’e rech ri Wokajil ajchajil Tinamit (PNC), Nery Ramos, xkub’isaj ub’ixik che ri ch’ob’ow ri’ are utz kuto’n ri che ri DIPANDA, emu wari’ sib’alaj rajawaxik ri’ rech kanimarsax uwach ri b’anow tzukunem ri’ pa taq nik’aj chik wokajil pa le ya’b’al ilonem chi ke ri winaq tinamit ri’.

COMPARTIR