Xetz’apixik ri wokaj ya’olchajinik che ri maj pa usaqil xechakun k’ut

143

Ruk’ jun utzalaj taq b’anow uchak upatna xk’is ri Ya’olchajinik ub’i’ Operación Águila rech pa le kiq’atexik ri keb’ wokaj ya’olchajinik tojom ri’ le maj pa usaqil xechakun k’ut pa we amaq’ tinamit ri’, jeri’ xb’antaj pa jun komonchak xb’antaj kumal ri Ministerio rech Gobernación, ri Wokajil Ajchajil Tinamit (PNC) xuquje’ ruk’ ri Ministerio Público (MP).

Pa le 25 chi tzukunik xb’antaj ri’ pa taq ri juyub’ tinamit rech Escuintla, San Marcos Suchitepéquez xuquje’ pa Xe’laju’, xb’antaj kowinem xechapataj keb’ winaq e ajchoq’e ri nik’aj wokjail rech ya’olchajinik kib’i’ El Army xuquje’ El Army II, ri maj pa kisaqil xechakun k’ut pa ub’eyal ukojik xkib’an ri jun acuerdo gubernativo ri man tzijtaj xaq xkikoj ub’i’ ri’ xuquje’ rumal kitz’ib’am taj kib’i’ taq ri wokajil ri’ chuwach ri Dirección General rech Servicios rech Seguridad Privada (DIGESSP) jacha’ kub’ij ri decreto 52 – 2010, Taqanem ri’ ri kuq’at ub’eyal taq ri chakunem ri’, xuquje’ rumal xaq xkesaj uwach ri wujilal rech xkikoj ri k’aqb’alil ri’.

Eri nik’aj Empresas Ri Army xuquje’ Ri Army II, maj pa usaqil k’ut xkik’ayij ri b’anow ya’olchajinik pa taq k’ayib’alil chi ke taq winaqilal ri’ xuquje’ chi ke wokajil ch’ich’ rech erelwinaq pa taq taq’ajil juyub’ pa we amaq’ ri’.

Eri xechapatajik ri’ xchob’otaj kuwach ri’ che e are ri a Julio Bernardo Maldonado Villatoro xuquje’ ri a Damián Nazario Maldonado Morán, ri achi’ ruk’ ri uk’ojol ri’, ri e uximom pa q’atb’altzij rumal man k’ot pa usaqil ri ya’olchajinik xkiya’ k’ut xuquje’ ruk’ b’anow itzel chomanik ri’, rumal ri’ ketaq pache’ pa keb’ pa kab’lajuj junab’ ri’ xuquje’ k’o jun tojb’al chi rij rech kakitojo Q100 mil ri’.

Pa we jun ya’olchajinik tzukunem ri’ are xtaqixik uq’atexik ri maj pa usaqil ya’olchajinik tojom ri’ xuquje’ rech xb’an jun nim sik’inik chi ke ri wokajil che ri kakichakuj ya’olchajinik wari’ rech makib’an jeri’ xuquje’ pa aninaqil k’ut chakitz’ib’aj kib’ pa taq le jachakunb’al rech ri DIGESSP ri’.

Eri Subcomisario Nery Benito Hernández, taqanel rech ri División Especializada rech Investigación Criminal DEIC-PNC, xuya’ ub’ixik che xya’taj ub’ixik chi ke taq ri k’ayib’alil sib’alaj rajawaxik b’a’ qas kakib’an rilik we ri wokajil k’o pa usaqil ri uchak upatan kub’an ri’, xuquje’ xtziijox chi ke ri xtaqataj ub’ixik pa taq le comisarías chi’ rech kewa’kat che ya’olchajinik che kaqan rech kakilo we k’o pa usaqil ri ya’olchajinik kitojom pa taq k’ayib’alil ri’ rech k’ot k’ax kakik’ulmaj ri’.

“Man utz ta ri’ xaq tane’ keqaya’ kanoq pa k’ax ri k’ayib’alil che ri man k’ot kichuq’ab’ ri’, rumal ri’ eri PNC xuya’ utzij rech kachajin chi’ xuquje’ rech kub’an tzukunem ya’olchajinik rech utz ri ya’olchajinik kakiya’o pa taq ri k’ayib’alil ri”, xcha’ ri Subcomisario Benito Hernández ri’.

COMPARTIR