Xk’is le Ukab’ Nimachomab’al rech K’iyemal rech Kowonib’al pa Ya’olchajinik Corea –SICA

138

Eri K’amal b’e rech ri Wokajil Ajchajil Tinamit Nery Ramos, xtatb’en pa le molinik rech xtz’apix uwach ri Ukab’ Nimachomab’alil rech K’iyemal ri’ rech Ukowonib’alil ri Ya’olchajinik pa Corea –SICA, are wari’ xb’an pa le salón Petén Itzá rech ri Hotel Westin Camino Real, chi’ k’u ri’ pa oxib’ q’ij eri k’amal b’e rech ri b’eleleb’ nimatinamit xetatb’en ri’, e are taq wa’ ri rech El Salvador, Honduras, Panamá, República Dominicana, Costa Rica, Nicaragua, Belice, Guatemala xuquje’ ri rech Corea del Sur ri’.

Pa kijujunal ri naj tinamit ri’ xkik’utu ub’anikil ya’olchajinik xuquje’ b’anow k’ax kamisanik ri’ rech kaketaj ri pwaqil kakisacho pa le k’uttijonem ri’ xuquje’ pa le chakub’alil ri’. eri uwokik kuwach taq konojel ri nuk’wokajil ajchajil tinamit rech pa taq amaq’ib’ ri’ e k’o pa ukomonil ri SICA are wa’ kuk’utu ri eqa’lenemtzij k’amom ri’ pa le kiq’atexik ri nuk’wokaj b’anow kamisanem pa naj taq tinamit ri’, are wari’ pa we amaq’ kak’oji wiri’ rachoch uk’olib’al we jun nimariqb’alil ri’, chi’ k’u ri’ eri uwinaqil ri qa-PNC ketzijon chi rij ri’ k’i uwach taq chomab’altzij rech investigación criminal ri’.

Pa le ilb’anik ri’ xuquje’ xtatb’enik ri Subdirector General rech Investigación Criminal Stu Velasco, ri k’amal b’e rech ri PNC, Sr, Joo Min lee Nimak’amal b’e rech ri Relaciones Exteriores rech ri Agenesia rech Ajchajil Tinamit rech Corea, In Kim Vicepresidente KOICA, ri José Cornejo uk’amall b’e ri SICA, ri k’o rachoch jachakunb’alil pa El Salvador, xuquje’ ri Tat. Dong Wook Shin, cónsul xuquje’ k’o ajchajinel pa le embajada rech Corea, jeri’ ri k’amal b’e rech ri ajchajinelab’ che ri kiwokom ri SICA.

Eri K’amal b’e Nery Ramos sib’alaj xuya’o ub’ixik ri tijob’al chuq’ab’ katajin che ub’anik ri wokajil rech Ajchajil Tinamit rech Corea, SICA xuquje’ KOICA, che ri kuya’o pa ub’eyal b’anow chakunem xuquje’ ri kuya’o utzijoxik pa taq nuk’chomab’alil jacha’ wari’ xuquje’ ri kuq’axaj utzijob’exik ri tzijol rech katerenb’exik pa jun komonb’alil rech uq’atexik ri b’anow k’ax kamisanik pa taq naj tinamit ri’.

Eri nuk’chomab’al ri’ ke’utun konojel ri e alaxik centroamericanos e winaqil rech ri SICA rech kachomaxik ri b’anow taq saqilem ri’ xuquje’ ri q’atenik b’anow kamisanik ri’, xuquje’ xub’ij chik che ri ub’eyal ri q’axaltzijob’enik ri’, ri komontob’anik xuquje’ are wari’ kuya’o k’i uwach utzilem ri’.

Eri q’atenik kuwach ri b’anol taq kamisanik pa taq amaq’ib’ ri’ are sib’alaj utz katajin ri’.
Eri uwinaqil taq ri jalajoj jachakunb’al rech ri nimawokajil ri Ajchajil Tinamit xetatb’en pa le Ukab’ Nuk’chomab’al rech k’iyemal rech Ukowonib’al ri Ya’olchajinik Corea –SICA.

Uj k’o che utojik nikpa’ rajil rumal uk’amik b’ik ri joremal xuquje’ ri jorob’anem chi ke ri winaqilal che tajin keqasik’ij ri’ rech keqato’o ri’, xcha’ ri K’amal b’e Nery Ramos.

Eri uwokik rech ronojel taq ri nuk’wokaj rech chajin tinamit rech taq ri amaq’ib’ rech ri SICA tajin kuk’utu che ri eqa’lenemtzij pa le chak rech q’atenik b’anow taq k’ax pa taq amaq’ib’ ri’, we ri qatinamit ri’ chi’ k’u ri’ kak’oji wiri’ le riqb’al ib’ ri’, chi’ k’u ri’ ri PNC kutzijoj wi chi rij uk’u’x tzijonem rech investigación criminal ri’.

COMPARTIR