K’o uk’olib’al kunanem kakoj pa japache’ ri’ rech kekunaxik ri e tz’apil chi’

162

Eri viceministro Administrativo, Mario René Álvarez Galán, xuya’ ub’ixik eri jujun k’olib’al rech kunanem k’o pa taq le japache’ ri’ katajin kikojik chi’ xuquje’ chi’ k’ut kekunax wi ri yowab’ sib’alaj e nima’t ri’.

 “Eri nik’aj chik yowab’ ri sib’alaj ke’ilik are katajin kib’anik kiyakik kajib’ ri’ rech xa’ pa keb’ oxib’ q’ij e k’o chik ri’”, xcha’ ri Ministro k’o pa Uk’exelem ri’, je ri’ xuya’ ub’ixik aretaq xk’is ri riqb’al ib’ chomanik rech ri Taqawokaj pa Amaq’ ri’.

Sib’alaj katajin tzukunem chi kij ri xekamisaxik kumal kamisanelab’ ri’

Eri kitzijol ri winaqil xekamisaxik pa Villa Nueva xuquje’ chi rij ri toq’inem pwaq pa taq k’ayib’al, eri taqawokajnel ri’ xuya’ ri nab’e b’anikil ub’ixik chi rij ri tzukunem k’a te xb’an chi’, xub’ij k’ut are katajin nim ch’ob’onem chomanik chi rij ri’ xuquje’ are ri Dirección rech Investigaciones rech ri Wokajil Ajchajil Tinamit (PNC), ri katajin che utzukuxik uwach ri’ rech kach’ob’ik jas che xb’antaj wa’ jun b’anow k’ax kamisanik ri’ xuquje’ rech te k’u ri’ kechap ri b’anol k’ax xeb’anow ri kamisanem ri’.

Chi rij ri k’ax toq’inik pwaq katajin pa taq ri k’ayib’al ri’ eri Álvarez Galán, xutzijoj che katajin ya’olchajinik tzukunem chi rij ri’ rech te k’u ri’ kek’oji pa joremal ri e ajk’ayib’ pa taq k’ayib’alil ri’ xuquje’ rech te k’u ri’ pa utzilem kek’ayin ri’.

Eri jun jukub’ are katajin ub’anik xraqatajik

Pa k’isb’al rech, eri viceministro Administrativo, xuya’ ub’ixik are rech xb’antaj kowinem xraqik ri jun jukub’ ri’ ri xya’ loq ub’ixik che katajin ub’anik uk’isik rech te k’u ri’ kakojik pa reqaxik awan kunb’alil rech kaq’axaxik ri’, je ri’ ub’ixik xya’taj loq che chi la’ pa le taq’aj rulewal juyub’ katajin wi ub’anik jun jukub’ ri’ rumal ri’ eri wokajil ajchajil tinamit xeb’ek che rilik chi la’ chi’ k’u ri’ xakiraqo wi panoq jun jukub’ ri’.

Xuquje’ xuya’ ub’ixik rumal xraqataj k’u loq xmajtaj ri tzukunik chi rij ri’ are rech kach’ob’ik chinaq winaq e ajb’anol rech ri’ xuquje’ rech kach’ob’ik chinaq xtaqow ub’anik wari’.

Swiffy Output
COMPARTIR