xa’ kajlajuj q’ij eri Ministro Francisco Rivas Lara xnimataj ri ub’im kanoq rumal ri’ we kamik xchapataj pa jumul chik ri jun ixoq ub’i’ Maritza Lemus kab’ixik “Ri Patrona” pa Ahuachapan El Salvador ri’.

Eri Ministro xuya’ ub’ixik ri’ che ri xchapik ri’ are uchak upatan ri tzukunik xb’an pa komonchak chi rij ri’ kumal ri eqa’lenelab’ rech sak’ajil ya’olchajinem tzukunik rech Iximulew xuquje’ El Salvador ri’ xuquje’ are wa’ uwach ri chak patan rumal ri’ Fuerza Trinacional che ri kojom kumal ri K’amal b’e Nimatinamit centroamericanos ri’.

Chi rij ri’ katz’apix wi ri jun ixoq ajpache’ ri’ eri Ministro xuya’ ub’ixik che pa kiq’ab’ ri q’atb’altzij k’o wi e are kakilo jas ri kakitaq wi ri’.

“Eri uj aj q’atb’altzij rech gobernación kaqata k’ut erch kataq pa Santa Teresa xuquje’ ya’talil rech kataq pa Centro rech Orientación Femenina (COF), xcha’ ri Rivas Lara.

Xub’ij chik k’o ri’ jun nim ya’olchajinik ya’talil che pa juntir ri’ chi la’ che ri kataq wi ri’.

Jas uchapik xb’an loq

Eri Ministro xuya’ utzijol che ri molaj sak’ajil ajchajinelab’ k’o esab’al achib’al qas xkichomaj rilik, rumal ri jachakunb’al rech vídeo forense, k’o ch’ob’onik intercomunicacionales xb’an chi rij ri’, xb’an rilik ub’antajil xuquje’ are xch’ob’otajik che are xresaj b’ik rib’ are xtaqij ri nimab’e kab’e pa El Salvador ri’. Eri jun molaj b’anol k’ax che xta’w rech aretaq xel b’ik qeta’m chik ri’ che ri b’anow k’ax are tajin xub’an ri’ pa le tinamit rech Jutiapa, pa uq’ab’tinamit rech Moyuta ri k’o pa k’ulb’a’t juyub’ ruk’ el Salvador xuquje’ qeta’m ri’ che ri jun molaj b’anol k’ax ri’ xuquje’ e k’o rachalal e jaqal pa El Salvador ri’, rumal ri’ xaqataq ub’anik jun komonchak kuk’ ri q’atb’altzij rechri wokajil ajchajil tinamit salvadoreñas xuquje’ rech aj iximulew ri’ rumal we kamik xekowin che uchapik loq.

“Eri xtzukuxik, xraqatajik xuquje’ aretaq xchap loq are wa’ uwach upatanil ri komonchak kumal ri keb’ wokajil ajchajil tinamit rech ri keb’ nimatinamit ri’”, xcha’ ri Ministro ri’.

Are “Ri Patrona” qas xtaq uchapik ri’

Eri Rivas Lara xub’ij che ri jun ixoq ajpache’ ri’ ub’i’ Maritza Lemus man ya’tal ta che tzoqopil ri’, are qas b’anol k’ax itzel k’o pa uchomab’al k’ax ri’ kub’an pa taq tinamit pa we amaq’ ri’ xuquje’ pa El Salvador rumal ri’ are qas xqataq utzukuxik rech xchap loq ri’.

Katerenb’ex ri tzukunik chi rij ri’

Xuquje’ eri taqawokajnel rech Ya’olchajinik qas xuya’ ub’ixik che ri nik’aj ajchajinelab’ rech ri Wokajil Japache’ ri’ e ximotil na pa q’atb’altzij chi rij ri’ xuquje’ xuya’ ub’ixik chik che k’o qas kaq’alajisan kech che e are xkita’o “Ri Patrona” rech aretaq xresaj b’ik rib’ pache’ ri’.

Eri tojb’al rech man k’ot winaq katoj wiri’
Rumal k’ut pa komonchak chi kuwach ri wokajil ajchajil tinamit ri’, man k’ot tojb’al kab’an ri’ chi rij ri’.

COMPARTIR