Eri CONAPREVI katob’an na ri’ ruk’ kichomaxik ri ak’alab’ e k’o pa le Hogar Seguro

180

Eri Coordinadora Nacional rech Q’atel b’anow k’ax pa ub’anikil Achalalil ri’ xuquje’ chi ke ixoqib’ ri’ (CONAPREVI) xub’an jun molinik ri’ rech xchomaxik ri raqow k’ax kumal ri ak’alab’ xuquje’ ri alab’om alitom rech ri Hogar Seguro Virgen de la Asunción ri’.

Pa we jun molinik ri’ are xuwok uwach rumal ri Viceministro rech Q’atel k’ax, Axel Romero are k’ut ajk’amal ub’e ri b’anow chomanik pa le CONAPREVI, are xuya’ ub’ixik che xesik’ixik ri k’amal b’e chomanelab’ rech ri taqawokajil che ri kakichakuj kakipatanij ri chomanik chi rij ilob’al chi ke ri ak’alab’ ri’.

Eri patanel ri’ xuya’ ub’ixik che we chanim k’ax b’a’ rilik ri xk’ulmataj kanoq pa le 8 rech marzo, eri wokajil taq rech ri Unidad rech Q’atel k’ax pa juyub’ tinamit ri’ (UPCV) xuquje’ ri Wokajilchak rech q’atel b’anow k’ax ri’ juntir ri’ xkiya’o jun nim tob’anik chi ke ri’.

“E pa le k’isb’al wuqq’ij kanoq eri molaj rech ri UPCV, wokotal uwach kumal e ajno’jixelab’ xuquje’ e ajilonelab’ ri’ juntir xetob’anik pa le kita’ik ri ak’alab’ xuquje’ ri alab’om alitom ri’ che ri xeq’axaxik pa taq nik’aj chik ja k’olib’em ri’ xuquje’ chi ke ri e karaqataj na pa le Hogar Seguro Virgen de la Asunción ri’”, xcha’ ri Romero.

Pa le komonchak ri’ xetatb’enik ri k’amal b’e rech ri taqawokaj ri’, le Nuk’wokajil rech ri Cooperación Internacional xuquje’ ri Sociedad Civil che ri kiwokom uwach ri CONAPREVI: rech le Ministerio Público, rech le Procuraduría General rech we Amaq’il, rech le Organismo Judicial, rech le Secretaría q’atb’altzij rech violencia sexual, ruk’ b’anow k’ax chi ke winaq ri’, rech le Secretaría Presidencial rech taq Ixoqib’, rech le Defensoría de la Mujer Indigena, rech le Programa rech Prevención xuquje’ Erradicación rech b’anow k’ax ub’i’ intrafamiliar ri’, rech le Comisión Presidencial coordinadora rech ri Uchomb’al chak patan rech ri Wokom Patanelab’ pa Amaq’ ri’ pa le uchomaxik ya’talil winaqil ri’, rech le Oficina rech ri Alto Comisionado rech derechos humanos, rech le ONU Mujeres, rech le Fondo rech Winaqil Tinamit rech Naciones Unidas UNFPA, rech le Grupo Guatemalteco rech Ixoqib’ ri’, rech le Asociación Nuevos Horizontes xuquje’ ri Ixoqib’ e ajK’exel Uwachulew ri’.

Eri CONAPREVI ketajin pa jun ub’anik chak ilonem chi’ rech kakilo we utz e k’o ri ak’alab’ chi’ xuquje’ are rech b’a’ kaq’atataj jun raqow k’ax ri’.

COMPARTIR