Xkoj komonchomanik rech kilik jas ri ketaq wi  ri ak’alb’ rech ri Hogar Virgen de la Asunción

217

Eri Chomanik pa taq puqil ruk’ kitatb’enik ri Q’atoj tzij rech Q’atb’altzij ri’, ri k’amal b’e rech Hogares Privados xuquje’ Sociedad Civil are wa’ xb’antajik we kamik ri’ rech kach’ob’ ri ub’anikil rech kakojik che kiq’axaxik ri’ alab’om ri alitom rech ri Hogar Seguro Virgen de la Asunción, pa le riqb’al ib’ chomanik ri’ are jun xtatb’en wi ri Viceministro rech Q’atel k’ax ri’, Axel Romero.

Eri Viceministro Romero xuya’ ub’ixik che kataqixik ruk’ le b’anikil ri’ are rech pa kub’sib’al k’u’x karaqik jun k’olib’al che ri utz na kek’oji wi, e k’o 80 taq ala taq ali, maja’ na keq’axaxik ri’ rumal ri’ eri kajwaxik ri’ re rech kab’an utz uchomaxik kumal taq ri wokajil e ajq’axal kech ri’.

“katajin k’ut uchomaxik kuk’ ri q’atol tzij ri’ ronojel ub’anik jun komonchomanik ri’ are rech keq’axaxik ri taq ak’alab’ che ri maja’ raqom keya’ wi ri’”, xcha’ ri Romero.

Rumal ri’ katajin retab’axik kib’anikil chi kijujunal ri taq ak’alab’ ri’ xuquje’ katajin rilik we utz ri’ keq’ax wiri’ je ri’ pa Japache’ jacha’ pa le wokajil rech ri Taqawokaj pa Amaq’ ri’.

Katajin ri ya’b’al tob’anik rumal ri Secretaría rech Bienestar Social ri’

Eri Viceministro Romero xuya’ ub’ixik che ri xuta rumal ri Secretaría rech Bienestar Social (SBS), Eri Ministerio rech Gobernación pa reqa’nib’al uchak patn ri Wokajil Ajchajil Tinamit ri’, are katajin che uchak patan ri’ ruk’ utob’anik ri ya’olchajinik chi’ pa taq le k’olib’al tz’apib’al ri’ chi’ k’u ri’ keq’axaxik jujun chi ke ri ak’alab’ ri’, jacha’ pa le k’olib’al rech ri rachoch ri Hogar Seguro Virgen de la Asunción ri’.

Xuquje’ xuya’ ub’ixik che ri SBS, chi’ e k’o ri’ e ajno’jixel chi ke xuquje’ e k’o ajtijonelab’ rech kepixb’anik chi ke taq ak’alab’ chi’

COMPARTIR