Kuwok uwach jun komon chak rech rech kato’ik ri CAIMUS

219

Are rech kaya’tajik ri chakub’al pa taq ri Molb’al rech Tz’aqatil Tob’anem chi ke Ixoqib’ e K’asna kiraqom k’ax ri’ (CAIMUS), rumal ri’ k’o jun molin ib’ xkib’an chi kuwach ri diputadas rech ri Foro Parlamentario rech taq ixoqib’ ri’ rech ri B’anol Taqanib’al pa we Amaq’il ri’ xuquje’ are jun xmolin kuk’ ri viceministro Administrativo xuquje ri rech Q’atel B’anoj K’ax rech ri Ministerio rech Gobernación ri’, xuquje’ ri viceministro financiero rech Finanzas Públicas, rech b’a’ kaya’taj pa le cholb’ak chomanem  ri pwaqilem rech tojb’al chakunem 2,017 rech ko’ksax k’ut ri retal rajilab’al ri tojb’al pwaqil ri’ pa le jo’ob’ wokajil ya’b’al ilonem ri’.

Eri ya’b’al tob’anik ri’ are rech kaya’ik uchuq’ab’ kino’jb’alil ri jumolaj ixoqib’ e k’as na kiraqom k’ax pa kik’aslemal ri’, rumal k’u ri’ reir Viceministro rech Q’atel K’ax rech ri Gobernación Axel Romero, ri xub’ij che“ri tijob’al chuq’ab’ utunum rib’ are rech b’a’ ya’b’al tob’anik chi ke ri ixoqib’ ri’, xuquje’ are rech uya’ik kichuq’ab’ ri ya’b’al ilonem, xuquje’ are rech katzakuxik le ya’talil pa taq wokajil k’a maja’ na kak’is we junab’ ri’ rech kaya’ik ri chakub’alil ri’”.

Rumal ri’ eri diputada, Sandra Morán, rech ri bancada Convergencia, xub’ij che are tajin kuch’ob’o che ri karaj ri ministerio rech Gobernación ri’ are rech kuya’ tob’anik pa le uchomaxik ri jun k’axk’olil ri’ xuquje’ e pa jun chik wuqq’ij are keyexik ri nab’e riqb’al ib’ chomanik rech uya’ik uchuq’ab’ ri uwachtzijonem chomanik rech ri CAIMUS.

Eri viceministro Administrativo, Mario Rene Alvarez, xub’ij che ri MINGOB ri’, “kuya’ pa saqil ri ub’eyal b’anow chomanik rech kakojik retal rajilab’al ri pwaqil rech tojb’al chakunem ri’, xa’rumal are wari’ jun chak patan k’o chik pa saq ri’”.

Eri ajwab’ k’amal b’e rech ri Foro kech ixoqib’, xkiya’ ub’ixik che sib’alaj kakimaltyoxij chi ke ri q’atb’altzij che tajin kikaj kechoman chi rij ri ya’b’al tob’anik ilonem chi ke ri ixoqib’ kiraqom k’ax pa taq ri kik’aslemalil ri’.

COMPARTIR