Xb’an nimaq’ij rech na’tib’al kech ajchajin tinamit ri xekamik pa le kichak patan ri’

399

K’o jun nimaq’ij rech xena’tix e ajchajin tinamit e kaminaq chik aretaq e k’aslik xek’oji che eqa’lenelab’ pa chajin tinamit ri’, ri aretaq e k’aslik k’o chi ke e tat nan, e alaxik xuquje’ e qachib’il, xecha’ ri q’atb’altzij rech ri Ministerio rech Gobernación xuquje’ ri rech Wokajil Ajchajin Tinamit (PNC), pa le nimaq’ij rech na’tib’al kech qaraj k’o e lajuj xekamik pa le kito’ik le winaq pa tinamit ri’.

Rumal k’u ri’ k’o loq’ob’al na’tib’al kech xkojik cho taq le muqib’al kech pa nimalaj muq’ib’al kaminaqib’ zona 3 pa nimatinamit ri’.

 “Loq’olaj Qajawixel kaqakoj la nab’e pa le wokajil ja ri’, pa le ch’ich’ rech chajinik xuquje’ pa taq le k’olib’em ya’olchajinik pa tinamit, juntir wa’ kaqaya’ pa q’ab’ la rech kujto’ la kajesaj la pa k’ax, xuquje’ kaqamaltyoxij che la le k’aslemal ya’om la chaqe xuquje’ chujto’ b’a’ la rech kaqaya’ kan pa q’ab’ la le qachib’il xekam b’ik pa le kichak kipatan ri’”, je ri’ utzij uch’a’winik chikaj xub’an ri Capellán rech ri PNC, Jorge Mario Cifuentes.

Pa we junab’ ri’ qaraj e k’o lajuj xekamik aretaq ketajin pa le kichak patan ri’ pa le PNC.

Eri viceministro Antinarcótico, rech Gobernación, Oscar Dávila, xutzijol che: “Are wa jun nim loq’ chuwe kab’an we na’tib’al ri’ pa le utz’aqatexik ujunab’ le Wokajil PNC ri’, xa’rumal chi qeta’m eri xekamik ri’ xa’ xenab’ij b’ik ri’ xuquje’ k’o jun utzalaj k’utb’al xkiya’ kanoq pa le unimaxik kichak kipatan ri’ pa kitz’iyaqb’al ri’”.

Xuquje’ xub’ij che are wa’ rajawaxik kaya’ kiq’ijol na’tib’al kech ri xekamik ri’, xa’rumal are ketajin che ya’olchajinik pa tinamit ri’ aretaq xekamik.

“Pa we junab’ ri’ qaraj e k’o lajuj e ajchajin tinamit xekamik xuquje’ are wa’ rech na’tib’al kech ri e 37 xekam b’ik pa kikijujunal ri’”,

Eri kub’ij ri Mario Rene Alvarez, viceministro Administrativo, “pa le kina’tixik ri’ are rech kamaltyoxix chi ke le kichak kipatan ketajin wi’ che kichajixik le e’aj iximulew are chi’ xekamik”.

Eri Subdirector kech ri ajchak rech ri PNC, Víctor Manuel Chocoj, xub’ij che are wa’ jun loq’ ilb’anik le qas nim retal che ri PNC ri’ are chi’ xina’taj kuwach ri e ajchajin tinamit ri’ xa’ xenab’iyaj panoq aretaq xkiraq k’ax pa le ya’olchajinik q’atel b’anol k’ax ri’.

Xa’rumal b’a’ amaq’el k’o k’ulmatajem kb’an una’tixik ri’, kojpa’ le loq’ uchak patan le PNC ri’, “rajawaxik b’a’ kak’am kiq’ij kib’antajil le nimach’ojinel ri xkiya’ kib’ xekamisaxik ri’ xuquje’ e are  ri’ kamik kiqana’taj kib’i’ ri’ le ronojel taq junab’ xkiyab’ kib’ pa le loq’ ya’olchajinik chi ke le winaq e’aj iximulew ri’, le e tat, nan, e mi’al k’ojol xuquje’ e winaqil xkiya’ kib’ xekamisaxik pa le ya’olchajinik tob’anik ri’”.

Are wa’ xb’anik pa le uq’ijol le B’ELEJLAJUJ Ujunab’ uk’aslemal xtz’aqatisaj le PNC.

COMPARTIR