Xna’tix uwo kiq’ij ri winaqil e kaminaq pa taq nimab’e ri’

138

Eri Q’atb’altzij rech K’utb’e rech ri Wokajil Ajchajil Tinamit xub’an jun nim na’tib’al kech ri winaqil e kaminaq pa taq nimab’e ri’, eri na’tinik ri’ are xb’an chi la’ pa le Nimatinamit rech Antigua Guatemala.

Pa ilb’anem na’tinik ri’ xetatb’en wi ri Viceministros Administrativo, Mario René Álvarez xuquje’ ri rech Q’atel K’ax, Axel Romero, ri xek’oji pa jun ilb’anem rech kina’tixik ri winaqib’ xkiraq k’ax rumal ri’ xekamik pa taq nimab’e ri’.

Are kojpa’ ri rajilab’al tzijol rech ri Observatorio Nacional rech ilonem chajinik pa taq Nimab’e ri’ ONSET, pa le junab’ ri’ 2016 e k’o chik 6 mil 740 chi ch’ich’ kiraqom k’ax pa taq nimab’e ri’ rumal k’u ri’ k’o 1 mil 708 chi winaqil xekam rumal ri’ xuquje’ e k’o 8 mil 075 e kiraqom sakonik ri’ pa juntir we amaq’ tinamit ri’.

Eri Viceministro Romero, xub’ij che eri jun ilb’anem rech ya’ltzijolil ri’ are rech b’a’ kak’usus kichomab’alil ri winaq tinamit chi rij ri raqon k’ax pa taq nimab’e ri’.

 “Eri winaq qas kiraqom k’ax pa nimab’e ri’ xa’rumal tajin kech’a’w panoq pa taq ch’a’wib’alil ri’, k’o chi ke rumal kitijom tzam e q’ab’arinaq kib’insam kich’ich’ ri’”, xcha’ ri Romero.

Rech b’a’ k’o jun ya’b’al tob’anik pa le ya’ol jun nim pixab’nik rumal ri Urox Viceministerio ri’ rumal ri’ katajin che chakunik ruk’ ri Departamento rech Tránsito rech rech kakib’an ri chakunik ri are uwach ri Uchomaxik Tinamit ri’ rech Q’atel k’ax ri’ pa le Urox’ uwach uchak patan ri’, are rech b’a’ uq’atexik rech man k’ot chik k’i winaq kekam pa taq nimab’e ri’, eri jun chik ukab’ uwach raqon k’ax kakik’ulmaj ri winaqil e a Iximulew ri’ are rumal yab’ilem ri’.

Eri Dalia Santos, ajq’axal tzijolil rech ri Departamento rech Tránsito, ri are kub’ij che ronojel q’ij k’ut e jo’ob’ chi winaqil kekam pa taq nimab’e ri’ xuquje’ eri jun 80% chi ke kakiraq k’ax xa’rumal man utz keb’insanik ri e ajb’insal ch’ich’ ri’, k’o nik’aj chi ke xa’rumal ke’ok’owisan tzij che ub’insaxik ch’ich’ ri’, k’o chi ke kitijom tzam kiq’ab’arsim kib’, k’o nik’aj chik xa’rumal sib’alaj ketajin che tz’ib’anik kuk’ ri kech’a’w panoq pa taq le najch’a’wib’alil ri’ xuquje’ k’o rech xa’rumal kech’a’w panoq.

 “Are wari’ ri ke’uya’o ri winaqil pa raqon k’ax ri’ rumal ri’ e k’i e ajkejach’ich’ e kaminaq chik, e k’o k’i winaq xa’ e elinaq kanoq chi uxe’ taq ch’ich’ ri’ rumal ke’ok’ow ta pa uwi ri q’axb’alil ri’ xuquje’ k’o nik’aj chik are rumal keta’m ta keq’axin uwach pa nimab’e ri’”, xcha’ ri al Santos.

Eri pixab’nik ri’ are rech kek’usax ri winaq ri’, ri kakib’insaj ch’ich’, k’a te kanoq ri’ xel loq jun k’ak’ taqanik rech ub’anikil Wa’katem pa taq Nimab’e xuquje’ ruk’ jun Taqanem rech etab’al b’anow, kojpa’ pa le artículo 157, rech “Keqale’nib’al ri ajb’insal ch’ich’ ri’”, rech kow kipixb’axik kb’an chi ke ri e ajb’insal taq ch’ich’ ri’ rech ya’tal taj kakib’an ch’ich’ we e q’ab’arel kitijom tzam ri’, we jeri’ kakib’ano kesax kiwujil rech kakib’inisaj ch’ich’ ri’ chi ke.

Swiffy Output
COMPARTIR