Pa le Club Social rech ri Wokajil Ajchajil Tinamit (PNC), rech ri zona 6 pa nimatinamit chi’ xb’an wi ri Nab’e B’anb’äl Chomanik Internacional rech Capellanes kib’i’ “E ajwa’lisan rech Joremal ri’”, pa le riqb’al ib’ chomanik ri’ xk’oji ri viceministro rech Gobernación Óscar Dávila, xuquje’ ri Víctor Chocoj, sub Director rech ajchakib’ eqa’lenelab’ rech ri PNC. Kuk’ ri ajwab’ rech ri Estados Unidos, El Salvador xuquje’ Panamá ri’.

Are “capellán” kab’ix che jun winaq ri k’o ukojb’al che  ri colonel ri’, je ri’ chi ke ri ajk’amal kib’e ajkojonelab’, ri kakiya’o ub’ixik utzij upixab’ qatat chikaj pa taq le mixa kab’an pa taq le tyoxaja ri’ xuquje’ rumal ri rajawaxik ri’ kaya’ik tob’anik chi ke ri eqa’lenelab’ ri Wokajil Ajchajil Tinamit (PNC) k’a pa 2004.

Eri Dávila, xub’ij che are ajilol rech ujikomal rech B’anb’äl Chomanem rech Capellanes xuquje’ are wari’ katajin uchakuxik pa Iximulew ri’.

 “Pa le molinem katajin pa le PNC ri’ are qeta’m uj che k’o ri’ k’i taq ub’anikil kub’an k’ax che ri chak patan ri’. Eri capellanía are nim upatan rumal are kuya’o tob’anik chi ke ri kachib’il ri rajawaxik chi ke ri’, je ri’ wexa’ k’o k’axk’olil kak’ulmataj ri’, are wari’ k’o kupatanij wexa’ e k’o winaq kakisach jun kachalal tane’ wene’ jun kachi’l ri’”.

Rumal ri’, eri Víctor Chocoj, sub Director rech rajchak ri PNC ri’, sib’alaj xumaltyoxij ri utzalaj kichak patan ketajin che ub’anik ri eqa’lenelab’ ri’ pa le kito’ik kesaxik pa k’ax xuquje’ pa le q’atel b’anoj k’ax ri’, rumal ri’ rajawaxik b’a’ kaqaloq’oj kaqanimaj kib’antajil ri tinamit winaqil e aj chi’ kuk’ ri e wäral taj.

Eri kichak ri capellanes ri’ are rech kikaya’o tob’anem ruk’ kaki’kotirsaxik ri e ajchajin tinamit ri’ rech pa utzilem jikomal kakib’an ri kichak patan ri’.

Eri ilb’anik ri’ are uwach k’isb’al uwach ri B’ELEJEB’ UJUNAB’ xtz’aqatisaj ri PNC ri’, are rech b’a’ katob’anik che uwokik uwach ri chomb’al tinamit pa komonb’alil ri’ are rech nim k’amow ib’ pa joremal ki’kotemal ri’ xuquje’ rech uya’ik uchuq’ab’ ri’, rech kak’oji b’a’ jun ajchajil tinamit kow pa unawilil unimaxik uchak upatan ri’.

Swiffy Output
COMPARTIR