Eri Viceministro Antinarcótico rech Gobernación, Óscar Davila, xuya’ ub’ixik che k’o waqxaqib’ tiko’nib’al rech marihuana xesaxik pa Los Laureles, Petén, chi’ k’ut xb’an wi ri nim tzukunik chi rij ri’ pa komon ruk’ ri Ministerio rech ri Defensa, kuk’ ri wokajil ajchajil tinamit xkib’an ri tzukunem pa juyub’ tinamit xuquje’ pa kaqiq’ ri’.

 “Are wa’ jun utzalaj uwachinem tzukunik xb’an pa taq juyub’ tinamit ri’ xuquje’ rumal ri’ kaqaj uj kaqaya’o ub’ixik che are kaqaj uj kujchajinik pa le rulewal juyub’ tinamit chi’, rumal k’ut qeta’m chi waral e k’o ajk’ayil awan q’ab’arisab’al kumb’alil chi’ xuquje’ k’o tiko’n b’anom chi’ maj pa usaqil ri’”, xcha’ ri Dávila.

Eri taqawokajnel ri’, xub’i che k’a te pa jun kajb’al ri’ are xraq jun peraj juyub’ ri tikom wi 21 mil 360 raqan ichaj ri’ xuquje’ chinaqaj panoq xraqataj wi 7 mil 425 raqan ichaj chik.

Xuquje’ xub’ij che ri wokajil ajchajil re tinamit kak’oji na chi’ rech resaxik juntir ri tiko’nib’al awan ichaj ri’ pa le juyub’ tinamit ri’.

 

Swiffy Output
COMPARTIR