Waqxaqib’ q’ij chik ok’owinaq ri jun b’anow k’ax k’aqanik pa le Granja Penal Pavón xuquje’ no’jimal katajin uk’utunik ub’ixik chik rij ri jun b’anow k’aqanik ri’ are chi’ e k’o oxlajuj chi winaq e ajpache’ xekam ri’, eri tzukunem chi rij ri’ katajin na rech keraqik chinaq ri xeb’anow ri k’ax kamisanik ri’.

Aretaq xb’antaj ri riqb’al ib’ chomanem rech jujun taq wuqq’ij ri’ rumal ri Taqawokaj pa Amaq’ ri’, eri Minsitro rech Gobernación Francisco Rivas Lara, xuya’ ub’ixik ucholaj che ri tzukunem chi rij ri’ are katajin rumal ri Ministerio Público (MP) xuquje’ rumal ri Comisión Internacional rech Q’atel Itzelb’anik pa  taq Wokajil pa Iximulew ri’ (CICIG).

Eri Ministro xuya’ ub’ixik ri’ che are k’a te xk’ulmataj ri jun k’aqanik ri’ eri utzijolil xq’axaxik ub’ixik pa tinamit ri’ are ri xmol uwach ruk’ taq ri tzijol xya’taj kumal ri e ajpache’ chi’, ruk’ ri xkiya’ loq ub’ixik ri e ajchak chi’ kuk’ ri e ajchajinel chi’ pa le Wokajil Japache’ ri’, ruk’ ri’ xuya’ utzijolil ri MP ruk’ rumal ri xuya’ ub’ixik ri INACIF RI’, rech qas kiya’ k’ut ub’ixik che man k’ot b’a’ jun nim poq’sab’al xpoq’sax tane chi’.

Rumal ri’ katajin uterenb’exik b’a’ ronojel uwach taq ri tzijol tajin umolik ri’, kojpa’ ri xya’ pa k’utik ub’ixik rumal ri K’amal b’e rechr i Wokajil Sak’ajil Chajinem pa Tinamit (DIGICI), che ri k’aqanikr i’ are xtij ukamisaxik ri jun narcotraficante ub’i’ Guayo Cano, juntir k’u wa’ kub’ij ri ajtaqawokajnel ri’ ronojel wa’ tajin katzukux uwach ri’.

 “Ronojel ri tzijol ri’ are xk’utun loq k’a pa le q’ij xk’ulmataj ri b’anoj k’ax ri’, rumal ri’ juntir katajin utzukuxik uwach ri’ je ri’ kub’ij pa le ub’ixkil ri DIGICI ri’”, xcha’ ri Minsitro.

 Xuquje’ xuya’ ub’ixik che ri chomam chi rij ri’ kojpa’ kik’exik ri q’atb’altzij pa Wokajil Japache’ ri’ ruk’ ri K’amal b’e rech Pavón, are xa’rumal ri xya’ utzijoxik pa le nab’e ub’antajil ri’, are ri’ kachomax uwach ri’ rech kilik jas le upatib’al ri jun b’anow k’ax ri’, xuquje’ rech kaq’aq ximontzij chi rij pa q’atb’altzij ri’.

COMPARTIR