Katajin na kiq’atexik nik’aj elaq’omab’ e ajtoq’il pwaq

206

Chi rij kiq’atexik nik’aj e ajtoq’il pwaq, pa le riqb’al ib’ kumal ri Taqawokaj pa le Nimrachoch K’amal b’e amaq’ eri Ministro rech Gobernación Francisco Rivas Lara xuya’ ub’ixik che ri q’atenik ri’ are wa’ qas katajin uq’atexik k’a xmajtaj loq uchak upatan rumal ri Nima K’amal b’e Amaq’ Jimmy Morales.

 “Ruk’ wari’ are ya’talil ya’olchajinik kub’sib’al k’u’x chi ke ri wina e aj iximulew ri e ajchak e suk’ taq winaq ri’ ri ronojel q’ij sib’alaj kakitij kichuq’ab’ che uwokik jun utzalaj amaq’ ri’”, xcha’ ri Taqawokajnel Ya’olchajinik Amaq’ ri’.

Xub’ij chik, man ka’uxulantaj pa le jun chak patan ri’, man katanab’ax ta we jun chak ri’, man kaya’ ta kan ub’anik ri tzukunik ri tob’anik ruk’ ri Ministerio Público xuquje’ man kaya’ ta kan ronojel pa uwokajil ri b’anow tzukunem ruk’ kichapik nik’aj b’anol k’ax elaq’omab’ ri’ ri sib’alaj ketajin che toq’inik pwaq chi ke taq ri winaq ri’.

Ch’ob’otal kilik ri jalajoj kib’anikil ri nik’aj molaj b’anol k’ax kekamisanik ri tajin kakib’an elaq’ toq’inik pwaq ri’ qas chi ke k’ut ri tajin kib’an we jun k’ax ri’ e are ri’ katajin tzukunem chi kij ri’. “E are k’ut katajin katerenb’exik xuquje’ rumal k’u ri’ pa le nab’e waqib’ ik’ chakunem chi rij ri’ k’o chik pa usaqil rech kaqab’ij che e k’o chik e 300 e ajtoq’il pwaq e chapom chik”. Xcha’ ri Rivas.

 Aretaq kamajtaj ukojik jun ya’olub’ixik pa le Wokajil Ajchajinik Internacional (INTERPOL), eri Rivas Lara xub’ij eri uj uj Ministerio rech Gobernación pa reqlemnik ri PNC chi’ k’ut katajin wi uk’amik ri taqon kichapik b’anol k’ax k’a pa nik’aj chik tinamit pa uwachulew ri’ ruk’ uchak upatan tajin kub’an ri Interpol ri’.

Aretaq kak’amataj ri taqon kichapik ri’ rumal q’atb’altzij k’o jun taqib’al ub’ixik kab’an panoq chi rij ub’antajik ri’, chi rij ri k’ax kib’anom ri winaqil taqom kichapik ri’.

Te k’u ri’ we jun ub’ixik ri’ are kataq b’ik pa le Secretaría general rech Interpol k’o chi la’ Francia rech kub’an jun nim ch’ob’onem chi rij ri’ are rech kutaq b’ik ub’ixik ri’ ri q’alajisam xuquje’ we q’alajisam ta ri’.

Eri nab’e ka’ilon rech ri’ are ri’ ri sitio web’ rech Interpol xuquje’ eri tz’apim uwach ri’ are ke’ilon rech ri q’atb’altzij rech ajchajin tinamit ri e k’o pa le Interpol ri’.

Are wa’ ub’anikil ri kab’an ri’ je ri’ ub’ixik xuya’ ri Ministro, are b’a’ ri Secretaría General, ri kab’in rech we jaqom ub’ixik wene’ man jaqom taq ub’ixik ri’.

Swiffy Output
COMPARTIR