Are rech b’a’ taqim uchomaxik uq’atexik ri kitzelb’axik ri komonb’al rech Lesbianas, Gays, Bisexuales, Transexuales xuquje’ e intersexuales kib’i’ (LGTBI), are ri’ xchomataxik pa le ukab’ molin ib’ ri’, chi’ k’u ri’ xtatb’en wi ri viceministro rech q’atel b’anow k’ax ri’, Axel Romero, xuquje’ le diputada rech ri bancada Convergencia Sandra Moran, rech rilik uwach taq ri chomanik kumal ri jalajoj taq nuk’wokaj rech ajtob’anelab’ chi ke ri komonb’alil ri’.

Eri Romero, xub’ij eri kupatanij ri jun molinik kuk’ konojel taq ri wokajil ajtob’anelab’ chi ke ri LGTBI ri’. “K’ixb’al ri’ rilik we man tzij taq kechomax ri’, rajawaxik k’ut kawok uwach jun cholb’al chak rech ke’itzelb’ax ta ri’xuquje’ xuya’ jun nim pixb’anik rech kanimax uwo taq kiq’ij konojel ri’, japache rilik uwach kikojb’al ri’, eri rajawaxik chi’ are kanimaxik uwach juntir kik’aslemal chi kijujunal ri’.

Xuquej’ eri xuya’ ub’ixik che we jun chomanik ri’ are la’ rajawaxik kakoj pa le cholupamtzij rech pa le nima b’anow chomanik ri’; Rumal k’ut are tz’aqat chi ke ri loq’ taq winaqil ri’.

Rumal ri’, eri Sandra Moran, xuya’ ub’ixik che sib’alaj man k’ot eta’mim uwach kumal le diputados chi rij ri cholupam chomanik rech ri winaqil rech LGTBI, rumal ri’ rajawaxik b’a’ kab’an jun ub’eyal uwach chomanik chi rij wa’ kuk’ rech kab’an utzil chi ke ri wokajilal winaq ri’.

Eri e k’i taq wokajil winaqil rech ajtob’anelab’ ri LGTBI ri’, xkib’ij k’ut che k’o k’i na karaj kachomaxi chi ke le komon winaqilal ri’ rech kak’am uq’ab’il uwo kik’aslemal ri’.

COMPARTIR