Katajin uterenb’exik ri ya’olchajinik ub’i’ “Eri Iximulew ri’ are Qech uj” are rech uq’atexik elaq’nik toq’inik pwaq

453

Pa keb’ q’ij chik, sib’alaj katajin ri ya’olchajinem tzukunik ub’i’ “Eri Iximulew ri’ are Qech uj”, are katajin ub’anik kumal ri Wokajil Ajchajil Tinamit (PNC), xuquje’ kumal ri Ministerio Público, pa le kichapik ri winaq kab’ixik e b’anol k’ax elaq’nik toq’inik pwaq ri’ ruk’ b’anow kamisanik chi ke ri e ajchoq’e kuk’ ri ri e ajb’insal ch’ich’ ri’ kuk’ ri e ajb’anol taq k’ayij ri’.

Eri Jorge Aguilar, ajq’axanel tzijol rech ri Wokajil Ajchajil Tinamit ri’, xuya’ ub’ixik ucholajil che ri 193 chi tzukunik xb’an pa le lajuj uwach juyub’ tinamit pa we amaq’ ri’, k’o 178 chi ke ri’ are xb’anik pa le juyub’ nimatinamit rech Iximulew ri’, ruk’ wa’, k’o k’i winaq xechap k’u loq, xuquje’ are utaqim rech keraqik kek’am loq ri ch’a’wib’alil naj ri’, wujil rech tz’ib’am kolom pwaq ri’, rajilab’al k’olib’al pwaq pa pwaqb’al ja ri’.

 “Eri tzukunik wi’ are utaqim uq’atexik ri b’anow elaq’ toq’inik pwaq xuquje’ rech man k’ot chik winaq kekamisaxik kumal nik’aj molaj b’anol k’ax rech ri barrio 18 xuquje’ rumal ri mara salvatrucha. Eri b’anow tzukunik ri’ are toq’inik uwachinem b’anow tzukunem kumal ri tzukunelab’ rech taq ri wokajil ya’olchajinem ri’” xcha’ ri Aguilar.

Eri uwach ri jun nim ya’olchajinem tzukunik ri’ xuquje’ are xkoj pa le jun Nimwokajil rech Q’axaltzijolil ri’, ri are utaqim rilik pa komonb’al ri’ rech q’axaltzijolil ri’, are k’o pa le Club rech Oficiales rech ri zona 6.

Pa le nab’e q’ij rech ri’ rech ri ya’olchajinem tzukunik ub’i’ “Eri Iximulew ri’ are Qech uj” e k’o 64 chi winaqil xechapik xuquje’ e k’o 23 e ajpache’ xya’ ub’ixik chi ke che k’o ri q’atb’altzij chi kij ri’.

COMPARTIR