Katajin na tijonem chi ke ri eqa’lenelab’ rech ri k’ak’ wokajil ajchajil pa japache’ ri’

268

Eri 84 chi eqa’lenelab’ ajchajinel rech pa le k’ak’ b’anow patan taqanik pa japache’ ri’ e k’o k’ut 50 chi ixoqib’ chi ke xuquje’ e k’o 34 chi achijab’ ri’ ri xkik’iso pa ki’kotemal ri retal b’anow tijob’enik ri’ chi rij taq kib’anikil ri e ajpache’ ri k’ax kino’jb’alil ri’, chi rij tob’al ib’, chi rij taq ri ajpache’ kakikanij kib’, chi rij b’anow ya’olchajinik pa tinamit, xuquje’ chi rij taq nik’aj chik ub’anikilem ri’.

Pa le nimaq’ij rech jachb’al taq wujilal ri’ chi’ k’ut xtatb’en wi ri Viceministro rech Ya’olchajinik, Ricardo Guzmán, ri are xub’ij “Man ronojel ta q’ij ri’ ke’al kanoq ri ajchajinel chi’ rech ketijox ri’, chi paq’ij chi chaq’ab’ xuquje’ pa taq wuqq’ij ri’ rumal k’ut katajin itijoxik ri’”.

Xub’ij chik are wa’ xa’rumal katajin katijoxik jun k’ak’ puq kuwach eqa’lenelab’ rech utz k’o kaketa’maj ri’ xuquje’ rech utz ukojik kichakub’al kakib’ano pa le kichak patan ri’.

“We kiwaj ix suk’ kixb’inik xuquje’ jikom kixk’oji chi terenb’ej unimaxik ri taqanik ri’ xuquje’ chiloq’oj b’a’ uwach ri chak patan ri’ misach uwach kiloq’oj kuwach ri kixchakun wi’ xuquje’ chinaq chi ke kixchakun wi”, xcha’ ri Guzmán.

Rumal ri’ eri K’amal b’e rech Iximulew ri’ rech ri INL, rech ri Estados Unidos, Virginia Staab, xub’ij eri e 84 eqa’lenelab’ che ri xek’oji pa República Dominicana, xkib’an jun ukowil anima’ xek’oji pa le tijob’enik ri’ rumal ri’ xekowinik k’o xketa’maj xkich’ob’o ri’, e are wari’ e nim reyeb’al ri tinamit e aj iximulew ri’ rech pa le uk’exik uwach ri Wokajil Japache’ ri’, ri ix k’ut ix aj k’uta’n chi ke rech ri k’ak’ kesik’ix chik  rech ke’ok che k’ak’ ajchajinelab’ pa keb’ oxib’ q’ij chuwe’q kab’ij ri’.

Eri Israel Santizo, ajno’jinel rech ri Despacho Ministerial xumaltyoxij wa’ che ri k’amal b’e rech ri Estados Unidos xuquje’ che ri k’amalb’e rech ri República Dominicana.

“Kaqach’ob’o ri’ ri itzelal karaqataj chupam ri’, we kamik ri’ man kiqil ta ri’ ri uk’isb’alil ri’, eri qataqim ri’ are rech kak’extajik ri Japache’ xuquje’ are wa’ jun nim utz k’utb’al pa juntir latinoamericana”, xcha’ ri Santizo.

Xub’ij chik “ix ri’ ix ija’ che ix petinaq ri’ ix ix k’utel utzalaj b’anikil chi ke taq ri alab’om alitom ri’, chik’aslemaj b’a’ uwach ri ichak patan ri’ xa’rumal are wa’ jun k’ak’ uwach kuya’o pa le ik’aslemal ri’, rumal ri’ chik’utu b’a’ ri xiweta’maj ri’”.

pa kib’i’ ajchakinelab’ xech’a’wik xtzijon ri’

Xub’ij che sib’alaj kuna’o nim kumaltyoxij rumal ri tijonem ri’ xya’taj chi ke rumal ri ajtijonel Carrasco rech ri República Dominicana xuquje’ rumal xtij k’ax xkoj jun k’ak’ cholchak rech amaq’ ri’ rumal ri’ Ministerio rech Gobernación xuquje’ che ri ILN pa le uchak patan ri K’amal b’e Staab. Aretaq xub’ij chi ke taq rachib’il ri’ xub’ij che k’o na karaj na rech kanimaxik uwach jun utzala b’e ri’ rech kunimaj uwach uchak patan ri’ le are ri’ uk’amik uwach jun k’ak’ ub’anikil taqanik pa le japache’ ri’ xuquje’ rech kakoj chi’ ri xeta’maxik ri’.

 

COMPARTIR