Aretaq xb’antaj ri Umolinik ri Taqawokajil rech Jumulaj Tinamit ri’, eri Nima K’amal b’e Jimmy Morales xuquje’ ri Ministro rech Gobernación xkiya’ ub’ixik utzijol che katajin kitzukuxik ri xeb’anow ri k’ax ri kajlajuj kamisanik pa le Granja Penal rech Pavón xuquje’ rech keraqatajik chinaq xeb’anowik ri k’ax chi’.

 “Kojtajin k’ut che rilik rech ja le kachajixik kab’anik ri e ajpache’ k’o nim k’ax kamisanik kib’anom are ri’ katajin rilik uchomaxik rumal ri Minsiterio Público, eri chomanem chi kij ri’ are qas kab’an rilik pa taq le q’ij ri’ xuquje’ are b’a’ ri tzukunik chi rij ri kuq’alajisaj jas ri kachomaxik chuwe’q kab’ij ri’” xcha’ ri Ministro.

Eri Nima K’amal b’e xrechb’ej ub’ixik che sib’alaj ketajin pa chomanik ruk’ ri Ministerio rech Gobernación chi rij ri xk’ulmataj pa Pavón ri’ xuquje’ katerenb’ex ri tzukunik chi rij ri’ rech kak’amataj ri qas utzijolil ri’ rech kachomaxik ri’ xuque’ rech kechap chi rij ri’ ri xeb’anow ri k’ax chi’.

 “Sib’alaj k’ax b’a’ rilik una’ik aretaq kikamisax jun aj iximulew ri’ pane’ b’a’ jas le ub’anom umakum ri’ k’ax b’a’ ri’ xkiraq ri kajlajuj winaq ri’ xekamisaxik xuquje’ are wari’ jun chak che karaj na kub’an ri Taqawokaj Amaq’ Iximulew xuquje’ are wari’ kojtajin che uchomaxik ri’”, xcha’ ri Morales.

Eri Morales xuya’ ub’ixik che ri Wokajil Japache’ pa Iximulew ri’ juntir k’jut sib’alaj tulsim uwach ri’ emu wa’ ri rajawaxik kb’an uchomaxik rech keyak k’ak’ taq japache’ ri’ pa Amatitlán xuquje’ pa Villa Nueva xuquje’ rumal ri’ katajin utzukuxik jas ri kayak wi ri urox japache’ ri’ pa taq le juyub’ esam pa kiq’ab’ ri b’anol k’ax ri’.

Xuq’alajisaj ucholaj ub’ixik ri’

Eri Nima K’amal b’e pa xuq’alajisaj che ri keb’ mul che ri xopan chi la’ Pache’ Pavón are ri’ tajin kub’an jun película ri’ xuquje’ e pa ka’mul xopan chi’ are rech xopan che usipaxik chi’ jun molaj kematz’ib’ab’al ri’ chi ke e ajpache’ chi’ xa’rumal xurilo che are chakub’al rajawaxik chi ke rech kakitijoj kib’.

 

COMPARTIR