Katajin tzukunik chi rij ri b’anow elaq’nik pa taqawokajil chak patan pa Amaq’

83

Eri b’anow tzukunem ri’ are rech kechap k’ut e waqxaqib’ chi winaqil ri’, rumal ri Dirección Especializada rech  Investigación Criminal (DEIC) rech ri Wokajil Ajchajil Tinamit ri’ xuquje’ rumal ri Q’atb’altzij rech ri Ministerio Público (MP), rech Q’atel B’anow Elaq’ ri pa taq Taqawokajil ri’, rumal ri’ k’o waqxaqib’ b’anow tzukunik ya’olchajinik xb’an pa Mixco, pa Nimatinamit Iximulew, pa Santa Catarina Pinula xuquje’ pa Villa Nueva rech kechapik ri b’anol k’ax elaq’ ri’ pa le  Unidad rech ri K’iyemal ri Ja Kachoch ri Winaqib’ ri’ (UDEVIPO) je ri’ kojpa’ ri Benemérito Cuerpo Voluntario rech Bomberos rech Iximulew ri’.

Pa taq le ub’anikil xb’an pa junamil ri’, e 60 chi eqa’lenelab’ rech ri DEIC, 9 ajq’atol tzij rech ri MP xuquje’ 10 rech ri DICRI, ruk’ 8 chi chi’ich’ xekoj ri’, je ri’ xuya’ ub’ixik loq ri ukab’ taqanel rech ri DEIC, Adal Najarro.

Chi rij ri b’anow k’ax elaq’nik pa taqawokajil ri’ pa le Loq’ Uwokajil ri Bomberos rech Iximulew ri’, Ana Elena Guzmán, nab’e subsecretaria General rech ri Ministerio Público, xuya’ ub’ixik loq che ri jo’ob’ winaq xechap ri’ are xa’rumal b’a’ xkik’owisaj uwi uloq’ik ri q’aq’elja’b’alil xuquje’ ri ninalil ri’ pa le empresa gt 40, are empresa rech ri ral achi’ ri contadora-tesorera ri’.

Eri xechapatajik ri’ e are k’ut: a Cesar Augusto González, are nab’e nimtaqanel ri’; a Raúl Arturo Chanquin, ajchak ukab’ taqanel ri’; al Thelma Leticia de León, are taqanel chi rij ri pwaqilem ri’; al Gabriela Virginia Figueroa, are jun chik ajchoq’e ri lubricantes gt 40; xuquje’ ri a Luis Diego Sales de León, jun chik ajchoq’e rech ri empresa rech k’ayil q’aq’elja’b’al ninalil ri’, we nik’aj winaq ri’ e are kab’ixik qas xkib’an ri k’ax elaq’ ri’.

Xuquje’ eri Estuardo Campo, Fiscal Q’atinel rech ri MP ri’ pa le q’atenik b’anow k’ax elaq’ pa taqawokajil ri’, xub’ij k’ut e oxib’ chi winaq e ajchak kanoq nab’e pa le Unidad rech K’iyemalil rech Vivienda Popular (UDEVIPO), rech ri Ministerio rech Comunicaciones ri’ k’o keb’ wujil chak ri’ che ri xchakux taq are rajil Q 1 millón 075 mil 620.33 ri’.

Rumal ri’ xechapataj ri’; a Víctor de Jesús Duarte Mendoza, are xk’oji kanoq che k’amal b’e rech ri UDEVIPO; a Francisco Javier Tablas Tahuite, ex feje rech proyectos xuquje’ a Mario Rodolfo Manso García, ex supervisor rech cholchak ri’.

Swiffy Output
COMPARTIR