Sib’alaj katajin na ya’olchajinik che ri Fisca General rumal taq kab’ixik kamisaxik rij kb’anik

232

Aretaq xk’oji pa B’anol Taqanib’al pa Amaq’ ri’, rech xk’oji chi’ ajilonel ka’yinel pa le Jachib’al rech ri jun Cholchak rech K’iyemal Tz’aqatil xuquje’ rech kakiyak kib’ chi rij  ri winaq pa le juyub’ tinamit rech ri Laguna del Tigre xuquje’ rech ri Sierra de Lacandón rech Petén ri’, rumal ri’ eri viceministro rech Seguridad, Ricardo Guzmán xuya’ ub’ixik che k’o nim ya’olchajinik ya’tal che ri Fiscal General, Thelma Aldana ri katajin uya’ik ri’ che k’a pa jun ik’ chik ri’.

Xub’ij chik che eri ri Ministro rech Gobernación xtaqan ukojik pa aninaqil ri ya’olchajinik che ri Fiscal General xuquje’ Jefa rech ri Ministerio Público are ya’olchajinik che ri sib’alaj kaya’ uchuq’ab’ ri’. Xuquje’ ri are xub’ij juntir ri Ministerio ri’ uya’om ri’ jun nimalaj tob’anik che xuquje’ je ri’ tob’anik ya’tal che rumal ri Ministerio Público (MP).

Xub’ij chik che katajin utzukuxik rumal ri’ MP kuk’ ri ajsak’ajil ajtzukunelab’ rech ri Wokajil Ajchajil re Tinamit (PNC), rech kilik chinaq keb’anow k’ax che ri Fiscal General ri’.

Tajin tzukunik chi rij ri jaqib’al taq ilb’al maj pa usaqil ri’ pa internet

Chi rij ri xya’taj loq ub’ixik ri retal okib’al xaq  esam rachib’al ri’ kojom chi rij ri Fiscal General, k’a pa taq nik’aj chik tinamit ri’, eri Viceministro rech Seguridad xuya’ ub’ixik che ri b’anow k’ax pa uwachwuj kemamtzij ri’ katajin k’ut tzukunik chi rij rumal ri PNC amaq’el katajin kil panoq rumal ri q’atol tzij rech ri MP xuquje’ are ri k’o kuya’ pa saqil ri’.

 “Rajwaxik  b’a’ kakub’isax rilik che ri nik’aj winaq b’anol k’ax chi ke ri winaq e k’o pa Iximulew xuquje’ kojpa’ ri tajin kikaj kakikamisaj ri Fiscal General ri’ kechap na xuquje’ kek’am pa na b’ik pa q’atb’altzij ri’ rumal ri’ kojtajin che ya’olchajinik che pa le uchak patan ri’, k’a kachomataj na ri ub’antajik pa q’atoj tzij ri’” xcha’ ri Guzmán Loyo.

COMPARTIR