Katajin uterenb’exik chomanem chi rij ri ub’eyal Q’atel B’anow k’ax pa Nimatinamit ri’

163

Eri Viceministro rech Q’atel K’ax, Axel Romero, are xujaq uwach ri ukab’ riqb’al ib’ chomanik rech b’anow chak kumal ri molaj ajchakunel-chomanelab’ pa tinamit rech kakojik ri Ub’eyal Q’atel B’anow K’ax pa Amaq’il ri’.

We jun ukab’ riqb’al are xb’antaj uchomaxik ruk’ kitatb’enik ri nuk’taqawokajil xuquje’ ruk’ ri komonb’al Nimatinamit e k’o panoq ri’, ruk’ utatb’enik chi’ ri Ministerio rech Gobernación, ri Wokajil Q’atel K’ax pa taq tinamit ri’ –UPCV-, ri Ministerio rech Desarrollo Social, ri Secretaría Técnica rech ri Consejo Nacional rech  Seguridad, ri Secretaria rech Política Criminal rech ri Ministerio Público, ri Gabinete Específico rech  Desarrollo Social xuquje’ ri SEGEPLAN, xuquje’ ruk’ kitob’anik ri UNICEF xuquje’ ri GIZ ri’.

Eri k’utchomanem xb’antaj ri’ are xb’anik ruk’ rech kaya’ pa saq jas ub’anikil chomanik kab’an chi rij ri’ xuquje’ rech kakojik jun nuk’ulb’al rech rilik ub’anikil xuquje’ rech ketaxik ub’antajil ri’, are wari’ rech kawokik ri jun Ub’eyal Cholchak pa Tinamit rech Q’atel K’ax ri’, rech kab’anik jun Chomab’al rech Q’atel B’anow Kamisanik ri’ pa we Amaq’ ri’ xuquje’ eri Cholchak rech B’anow Chomanik rumal ri Taqawokaj pa Amaq’ rech k’iyemal, rech kajilaxik jun chakub’al rech kuya’o kumol ronojel ri komon chuq’ab’ chi rij uq’atexik b’anow k’ax ri’.

Eri Viceministro Romero xuya’ ub’ixik che are wa pa nab’e mul kakojik ri chakub’al rech q’atel b’anow k’ax, rech kakoj jun b’anow chakunem pa komonb’al k’olib’em ri’ rech kakoj jun ub’eyal chomab’al tinamit rech kuya’o utzilem chi ke konojel ri konojel ri winaqilal ri’, chi’ k’u ri’ sib’alaj k’o kupatanij kitatb’enik ri winaqilal chi’.

 “Eri q’atel k’ax ri’ are wa jun chak patan rech qonojel, man xaq ta uchak ri taqawokaj pa amaq’ ri’”

Eri taqawokajnel ri’ xuya’ ub’ixik eri katajin uchomaxik ri’ utitz’im rib’ pa le jun cholb’al chak ri’ rech b’a’ kab’antaj kowinem kajachik pa le ik’ enero ri’“Ub’eyal Cholchak rech Q’atel B’anow K’ax pa Tinamit ri’” are rech b’a’ kamajtaj ukojik pa le nab’e taq ik’ rech pa jun chik junab’ petinaq ri’.

 

Swiffy Output
COMPARTIR