Katerenb’ex na kiq’atexik ri b’anol k’ax rumal ri’ qas kapatinixik ri Q’atel k’ax ri’

204

Aretaq xk’is ri nab’e molinem kumal ri Taqawokaj pa Amaq’ ri’, chi’ k’u ri’ xekub’isax pa taq keqale’nib’al ri kajlajuj Taqawokajnelab’ rech ri taqawokaj chak patan pa we amaq’ ri’, eri ministro Francisco Rivas Lara xuya’ ub’ixik pa q’axal tzijolinem ri’, che pa le Ministerio rech Gobernación ri’ ya’tal pa saq ri’ uwach ropanb’alil ri chomab’al ri taqawokaj pa tinamit ri’, xuquje’ pa le q’atenik kuwach ri molaj b’anol k’ax ri’ xuquje’ qas pa le uq’atexik ri b’anol k’ax ri’ are ri’ qas nim utaqib’al uwach ri chak patan pa le q’atenik b’anow k’ax ri’.

Eri Rivas Lara xuya’ ub’ixik che ri b’anow k’ax b’antaj pa San José Nacahuil ri’, chi’ k’ut xya’taj wi loq ub’ixik che e k’o keb’ ajchajil tinamit chi’ k’o nim k’ax tajin xkib’an chi’ xuquje’ k’o jun itzel winaq b’anol k’ax xkitzoqopij b’ik ri’, xub’ij ri’ che we jun b’anow k’ax ri’ are xya’taj loq ub’ixik pa aninaqil chi’ xuquje’ rumal ri’ k’o taqanik xya’ panoq ub’ixik che ri Inspectoría rech ri Wokajil Ajchajil Tinamit ri’ rech ke’opan b’a’ pa le xk’ulmataj wi’ ri k’ax ri’, xuquje’ are wa’ pa komon ub’anik ruk’ ri Ministerio Público rech xe’opan chi’ xuquje’ rech xkitzukuj uwach ri b’anow k’ax ri’ chi’.

Eri ya’olchajinik pa taq k’ulb’a’t ri’ xuquje’ chi rij ri lajuj b’anol k’ax che ri xechapik ri xkelisaj loq kib’ pa jun japache’ ri’ pa le Salvador ri’, eri Taqawokajnel ri’ xuya’ ub’ixik che jun nim ya’oltzijob’exik chi rij ri’ xuquje’ k’o jun komonchak chi rij ri’ kumal ri q’atb’altzij rech ri nimatinamit k’o panoq ri’ chi rij ri itzel kib’anikil nik’aj b’anol k’ax che ri kesam b’ik kib’ ri’ xuquje’ k’o ri’ jun cholchak rech ketzukuxik keraqaik nik’aj b’anol k’ax ri’ chi’.

K’o esab’al wachib’al kojom ri’ pa taq le japache’ ri’

Eri Ministro xuya’ ub’ixik ri’ che k’o jun cholchak wokom uwach ri’ rech kakojik pa taq le nab’e ik’ rech pa we junab’ ri’ xuquje’ are ri’ kojom pa chakunik ri’ ruk’ upwaqil uya’om ri’ chi rij rumal ri Banco Internacional rech K’iyemalil ri’ (BID), chi’ k’u ri’ kojom chik waqxaqib’ k’olib’al rech videoconferencias pa taq le japache’ ri’ are rech b’a’ kaq’atexik ketaq taq chik pa taq q’atb’altzij ri e ajpache’ che ri qas e b’anol taq k’ax ri’.

K’o 600 upajb’alil awan kunb’alil xraqataj ri’

Rech uk’isik ub’ixik ri’ eri Ministro xuya’ ub’ixik che pa le nab’e q’ij rech enero xb’antaj kowinem xraq ri nab’e molaj awan kunb’alil pa jun nim tzukunik xb’antaj ri’ kumal ri e sak’ajil ajtzukunelab’ ri’ ri pa komonb’al ub’anik katajin ri’ ruk’ kitob’anik ri tinamit pa uwachulew ri’.

 “Eri ya’olchajinem tzukunik ri’ xb’antaj pa komonb’al ruk’ ri Ministerio rech ri Defensa, ri Ministerio Público xuquje’ rumal ri Wokajil Ajchajil Tinamit ri’, rumal ri’ xb’antaj ri nab’e raqow ri awan kunb’alil pa we junab’ ri’ aretaq xraqatajik ri 600 pajb’alil rech cocaína rumal uchak upatan ri taqawokaj rech Iximulew ri’ pa le kiq’atexik kuwach ri nik’aj molaj b’anol k’ax pa uwachulew ri’ ri tajin kakikoj ri rulewal tinamit ri’ rech kakiq’axaj b’ik chi’ ri awan taq kunb’alil ri’”, xcha’ ri Rivas Lara.

COMPARTIR