Katajin chak chi rij uqupixik ri amapola ruk’ ri marihuana k’a man k’ot jun tane’ kel kanoq chi la’

283

Xaq pa nimaq’ab’ we kamik ri’, eri wokajil rech ri Subdirección General rech Análisis rech Información Antinarcótica (SGAIA) rech ri Wokajil Ajchajil Tinamit (PNC) xe’opan pa taq aldeas xuquje’ pa taq caseríos rech ketajin che uterenb’exik ri chak rech kakiqupij ri ichaj rech amapola xuquje’ marihuana pa taq le uq’ab’tinamit rech Ixchiguán y Tajumulco.

Ok’owinaq chik 17 uwach q’ij katajin ri ya’olchajinik chi’ xuquje’ k’o ri xb’antaj uchakuxik ri’ k’a pa we q’ij ri’ rumal k’ut k’o chik 127 millones 539 975 raqan ichaj rech amapola xuquje’ ruk’ 179 mil 286 rech marihuana, ri rajil pa ronojel are ri’ Q. 3 mil 255 millones ri’.

Eri qupim taq awan ichaj rech kunb’alil maj pa usaqil ri’ are wari’ xb’antaj kowinem ruk’ aretaq k’a xkoj ri’ ri Korlim Ya’olchajinik chi’. Pane’ b’a’ pa k’axalaj taq peraj uwo taq juyub’, cho taq juyub’ ri’, pane’ b’a’ k’o sib’alaj k’axtew ri’ xuquje’ ruk’ ri sutz’ mayul ri’ chi’, opaninaq b’a’ resaxik pa 28 aldeas xuquje’ pa taq caseríos rech Tajumulco xuquje’ pa 24 chi k’olib’al rech Ixchiguán ri’.

Eri Viceministro Antinarcótico, Oscar Dávila Mexicanos, eri taqim uwach ri’ rumal ri ya’olchajinik ri’ are kasaqab’sis kanoq uwach ri peraj taq juyub’ che amapola xuquje’ marihuana pa le keb’ taq uq’ab’tinamit ri’.

Eri taqawokajnel xub’ij che are katajin reyexik che we chak ri’ are kak’is pa taq le q’ij che ri karaj na kak’isik uwach ri Korlim Ya’olchajinik ri’, emu wari’ katerenb’exik rech man k’ot chik majun raqan tane’ ichaj kel kanoq pa ronojel chi’.

Pa le juyub’ tinamit ri’ e k’o e 1,500 eqa’lenelab’ rech ri PNC xetaq b’ik ri’, are rech xetob’anik rech xqupixik ri raqan taq awan ichaj rech kunb’alil maj pa usaqil ri’. Rech kaya’ pa jikomal uwach kek’oji chi’ ri winaqilal ri’ xuquje’ rech e ya’tal pa chajinik ri nimab’e ri ch’ich’ kewa’kat chi’ xuquje’ juntir ri nimab’e ri’ chi rij taq ri katajin wi resaxik uqupixik ri raqan taq ichaj rech awan kunb’alil ri’ xuquje’ rech e k’o pa chajinik ri kik’olib’al winaq ri’ rech kata’ uwach kik’aslemal ri winaq jeri’ kuk’ ri Wokajil Ya’olchajinik chi’.

COMPARTIR