Are rech b’a’ kaq’atexik ri b’anoj k’ax pa 80 komon winaqil pa we amaq’, eri q’atb’altzij rech ri Ministerio rech Gobernación, Mercy Corps xuquje’ USAID, xkijuch’ jun wujil rech ch’ob’oj chomanik, rech xkojik pa taq q’atb’altzij ri ch’ob’otal chak rech q’atenik b’anoj k’ax pa taq tinamit ri’.

Eri ch’ob’oj chak ri’ rech q’atenik b’anoj k’ax pa keb’ uwach ri’, eri nab’e uwach are kakojik pa taq ri tinamit rech Iximulew Nimatinamit, pa Mixco, pa Villa Nueva xuquje’ pa Amatitlán, eri ukab’ chik are kakojik pa San Miguel Petapa xuquje’ pa Villa Canales ri’.

Eri Ministro rech Gobernación, Francisco Rivas Lara, xutzijoj che ruk’ ri Mercy Corps, xkichomaj uch’ob’ik chi rij ri ch’ob’otal chak ri’ rech q’atenik b’anoj k’ax pa taq le k’olib’emal ri qas kak’ulmataj wi b’anoj k’ax ri’.

 “Pa taq ri k’olib’emal ri qas kak’ulmataj wi’ b’anoj k’ax ri’ chi’ k’u ri’ kaqaj uj kakojik ri ch’ob’otal chak rech q’atenik b’anoj k’ax ri’ rech ke’esaxik ri taq ak’alab’, alitom xuquje’ ixoqib’ pa uq’ab’ k’ax ri’ rumal k’ut e are qas e ilom rumal ri nuk’wokaj b’anoj k’ax ri’” xcha’ ri Rivas Lara.

Xuquje’ xuya’ utzijol che we ch’ob’otal chak rech q’atenik b’anoj k’ax ri’ man k’ot pwaq tojom chi rij ri’ pa le Taqawokajnem Ya’olchajinik pa Amaq’ ri’, are uwach tob’anik ya’om rumal ri Cooperación Internacional kojpa’ Ri Agencia rech ri Desarrollo, rech Estados Unidos (USAID) ri’.

Eri Peter Loach, k’amal b’e rech Mercy Corps, xutzijoj che we jun chomab’al tinamit ri’ are katob’an ri’ ruk’ ri q’atenik b’anoj k’ax ri’.

 “Are kaqatzukuj yab’al uchuq’ab’ ri tzijob’enik chomanem chi kuwach ri komon winaqil ruk’ ri Taqawokaj Amaq’, rech k’ut kaqajisaxik uchuq’ab’ ri b’anoj k’ax ri’. Pa Iximulew Nimatinamit ri’ k’o jun nim eyeb’anem ri’ ruk’ kiya’om kitzij ri winaq rech kakib’an jun nim utzilem chi ke ri winaqil e ajwokja chi’ rech kakimaj uchakuxik ri ch’ob’otal chak ri’”, xcha’ ri Loach.

Rumal ri’ eri k’amal b’e rech ri USAID, William Brands, xuki’kotirsaj uwach ri chak patan b’anom kumal ri q’atb’altzij rech ri Ministerio rech Gobernación, “xa’rumal eri k’amoj eqle’nemtzij ri’ are rech kapatanixik yab’al utzilem chi ke ri komon winaqil ri’ xuquje’ rech b’anoj utzil chi ke ri winaq sib’alaj keraqataj pa k’ax, pa meb’a’il, pa yab’ilem ri’, kojpa’ ri taq ak’alab’, taq alitom xuquje’ ri k’ak’al winaq alab’om alitom ri’”.

Pa k’isb’al rech, eri Brands xkub’isaj ub’ixik utzijol xuya’o che we ch’ob’otal chak ri’ are rech yab’al uchuq’ab’ ri chak patan ri kib’anom ri q’atb’altzij rech q’atenik b’anoj k’ax ri’ xuquje’ rech kakojik pa le e jumuch’ (80) q’atb’altzij ri’ rech yab’al utzilem chi ke winaq tinamit ri’.

COMPARTIR