Eri tinamit Villa Nueva are ri’ jun chi ke ri 30 uq’ab’tinamit e kojom pa le Ub’eyal Ya’olchajinik pa Tinamit pa we amaq’, rumal ri’ eri Urox Viceministerio rech Q’atel K’ax, Axel Romero xmolin kuk’ taq ri k’amal b’e chomanik rech ri ri Nuk’wokaj rech Tob’anem taq Tinamit pa Uwachulew rech kachakuxik ri kapatanixik ri cholchak rech q’atel k’ax chi’.

Pa le molin ib’ ri’ xetatb’enik ri k’amal b’e chomanik rech ri Agencia Internacional rech K’iyemal rech Estados Unidos -USAID-, rech taq ri Wokajil rech Asuntos Antinarcóticos xuquje’ rech Kojb’al rech ri Taqanem –INL- rech ri Embajada rech ri Estados Unidos, rech ri programa Convivimos rech Mercy Corps xuquje’ rech ri  Tercer Viceministerio, rech ri Wokajil rech Q’atel K’ax pa taq Tinamit ri’ –UPCV- xuquje’ rech ri Subdirección rech Q’atel k’ax rech ri Wokajil Ajchajil Tinamit ri’ –PNC- ri’.

Eri upatanixik rech kachakuxik ri cholb’al taq chak ri’ are kamajtajik pa Villa Nueva xuquje’ kak’is ukojik pa taq uq’ab’tinamit che e cha’om rech kekoj pa taq le Ub’eyal Uchomaxik ri Ya’olchajinik pa Tinamit ri’.

“Eri tinamit Villa Nueva ri’ are jun tinamit ri’ che naj pa rajilab’al xaq’an wi ri b’anow k’ax pa le 2016”, xcha’ ri Viceministro Romero.

Eri taqawokajnel ri’, kub’ij che ri jun k’ak’ retz’b’exik ri chak ri’ are rech pa komon ub’anik kab’an pa le tinamit ri’, rech man pa keb’ ta mul ub’anik ri q’atel k’ax kab’an chi’.

“Eri chomatal ri’ are pa komon kachakux uwach ri’, ri ub’eyal taq chakunem ri’ che ri chomatalik kab’an pa Villa  Nueva ri’ xuquje’ aretaq ri katerenb’ex upatanixik ruk’ taq nik’aj chik tinamit ri’ jacha’ Mixco, Amatitlán xuquje’ Boca del Monte (Villa Canales), rech kopan ri upatanixik ri’ pa taq ri 30 chi tinamit ri’”, xcha’ ri Romero.

Are rech b’a’ katerenb’exik ruk’ wa’ jun ub’inisaxik ri’ k’o riqb’al ib’ kab’an pa taq uq’ijol ri’, are rech b’a’ kataqixik uya’ik ri tob’anem che ri rajawaxik b’a’ kakiya’ loq ri wokajil taq ajtob’anelab’ ri’ xuquje’ rech b’a’ eri ya’b’al taq utzilem ri’ kopan uya’tajik pa taq ri tinamit ri’.

COMPARTIR