Are wa’ ri’ ya’b’al uchuq’ab’ ri chak tzukunem rumal ri Wokajil Ajchajil Tinamit (PNC) kab’an ri’, rech kajunumisax uwach taq b’anikil kumal ajchajil tinamit ri’, are wari’ ri tajin ri kutaqij kuchomaj ri Ub’e B’anow Tzukunik chi rij b’anow kamisanik katajin uchomaxik ri’, are ri’ chomab’al xkiya’ pa k’utik kumal ri q’atb’altzij rech ri Ministerio rech Gobernación xuquje’ rumal ri q’atb’altzij rech ri Wokajil Ajchajil Tinamit.

Eri Ub’e b’anow ri’ are xno’jixik ukojik pa yaltob’anik che ri wokajil ajchajil tinamit rech Colombia xuquje’ che ri INL xuquje’ k’o ri’ 16 b’anikil uwach ruk’ oxlajuj junamil b’anikil ri’ rech are ub’e kakoj pa taq le b’anow taq tzukunem xuquje’ are ri’ kajach chi ke ri ajtzukunelab’ rech ri PNC rech kakikoj pa le kichak patan ri’, ri kakitzalij kanoq aretaq ke’al b’ik pa le kichak chi’.

Eri ministro rech Gobernación, Francisco Rivas Lara, xuya’ ub’ixik che ri b’anow tzukunem chi rij taq b’anow k’ax kamisanik are ri’ qas unimal kichak kakib’an pa le wokajil ri’, rumal ri’ eri jun ub’e b’anow ri’ are jun chakub’al kakichokonsaj pa le kichak patan ri’ rumal ri’ k’o utzalaj taq wachinem xb’antaj chi rij ri’.

 “Are wa’ jun chakub’al rech kakikoj ri e ajno’jchakunel ri’ xuquje’ are ri’ kajach pa kiqab’ ri e oxib’ mil chi tzukunelab’ rech ri PNC”, xcha’.

Eri K’amal b’e rech ri PNC, Nery Ramos xuya’ ub’ixik che we jun ub’e b’anow ri’ are jun chakub’al rech ch’ob’nik, rech q’inomal eta’manem xuquje’ rech taqom tz’ib’anem ri’ are ri’ rajawaxik kakikoj ri ajtzukunelab’ rech sib’alaj utz ri kichak patan tajin kakib’ano.

Eri k’aslemam pa rajilaxik b’anom

Pa ya’b’al utzijoxik xb’an rumal ri Ministro rech Gobernación, are xuya’ ub’ixik che chi rij ri chak b’anom ri k’o nim q’atenik b’anom chi ke ri e ajk’ayil awan kunab’al ri’, pa le 2016 ri’ k’o ri’ 10 mil 86 pajb’al rech cocaína xraqik, ok’owinaq na chuwach ri xraq kanoq pa taq nik’aj chik junab’ ri’.

 “K’o k’iyalaj taq raqonik ri’ xb’antaj qumal uj, are wari’ sib’alaj kuk’utu che kujkowinik kaqaya’o utzalaj b’anikil ya’olchajinik pa tinamit ri’, xkub’isaj ub’ixik rumal ri Rivas Lara ri’.

Swiffy Output
COMPARTIR