Kakoj na jun molaj chomanik kumal ri wokajil rech yab’al uchuq’ab’ ya’olchajinik pa Nim K’ayib’al pa Nimatinamit

352

Are molinem xb’anik ri’ xa’rumal ri molinem chomanik xb’an ruk’ ri Q’atb’altzij rech Nimatinamit Iximulew xuquje’ kuk’ ri k’amal b’e chomanem Ya’olchajinik rech ri Mercado Central we kamik ri’ eri viceministro rech Q’atenik b’anoj k’ax, Axel Romero, eri Komon pa Uwokajil rech Q’atenik B’anoj k’ax kuk’ ri Ajchajinelab’ rech ri Mercados xkichomaj k’ut xkiwok uwach jun cholchak ya’olchajinik rech yab’al uchuq’ab’ ri chajinem pa taq k’olib’emal ri’ xuquje’ chi rij taq ri Mercado Central, are rech b’a’ kiq’atexik kuwach ri b’anoj k’ax ri’.

Eri utaqib’al uwach we cholchak ri’, xcha’ ri Romero, are rech ke’umol ja jun molaj ri’ ri Instituto Guatemalteco rech Turismo (INGUAT), xuquje’ konojel ri wokajil xena’tix ri’, are rech b’a’ kakib’an chik utzil che ri Mercado Central ri’ rech utz ub’anik kilik kumal ri wa’katel winaq ri’ xuquje’ rech je ri’ kilik kumal ri winaq tinamit e aj iximulew ri’ aretaq ke’opan che uloq’ik uwach jastaq chi’, ri rech kakitijo, ri kotz’i’j kakiloq’oj xuquje’ le jastaq b’anom chuwi’q’ab’aj ri’ are ri’ ri ke’ujurij winaq pa uk’u’x nimatinamit ri’ are wa’ qas rajawaxik kab’an utzil che pa jumul chik.

We nab’e riqb’al ib’ ri’ ri xb’an ruk’ ri Comisión rech Seguridad rech ri Mercado Central are xupatanij rech xya’ ub’ixik ri jastaq ri rajawaxik kakojik, emu wa’ pa le 14 rech julio are kujchoman chik chi rij xuquje’ pa le nab’e riqb’al ib’ ri’ rech kaqawok uwach ri komon chomanik rech kujkowinik kaqaya’o jun nim ilob’al pa le Mercado Central ri’”, xcha’ ri Viceministro rech Q’atenik B’anoj K’ax Makaj ri’.

Nim uwach ri Ch’ob’otal chak ri’

Chi rij k’ut eri Romero xuya’ ub’ixik che ri Vice ministerio rech Q’atib’al k’ax ri’ are karaj kuk’am uq’ab’il ri chak patan ri’ kuk’ ri q’atb’altzij komon ri’ kuk’ b’a’ konojel taq ri q’atb’altzij, pa taq le nuk’wokaj komon winaqilal ri’ rech uya’ik uchuq’ab’ ri ub’eyal ya’olchajinik rech q’atenik b’anoj k’ax pa taq le komon winaqilal ri’, rumal ri’ rajawaxik kaqana’taj che ri kiq’atb’altzij komon winaqil pa taq tinamit are qas kuwok uwach ri Ub’eyal pa Tinamit ri Ya’olchajinik ri’.

COMPARTIR