Eri Cuarto Viceministerio xub’an unimaq’ij rech umajik b’ik ri retal tijonik rech Utzijol b’anikil Rachib’al Juyub’ Tinamit

312

Eri Cuarto Viceministerio rech Tecnología rech Q’axal tzijol ruk’ tzijob’enik ri’, xujaq uwach ri retal tijob’en ib’ chi rij “Reta’maxik Nuk’wokaj Tzijob’enik B’anikil Rachib’al Juyub’ Tinamit”, are rech ketijox che ri eqa’lenelab’ rech ri PNC kuk’ rajchak uq’ab’il ri Taqawokajnem rech Gobernación ri’ chi rij reta’mab’al ukojik ri nuk’wokaj rech raqib’alil, rech ub’anik rachib’al rulewal tinamit xuquje’ rech raqib’al rech ri’.

Pa le ya’ol ub’ixik umajik b’ik we jun tijob’en ib’ ri’ are jun xtatb’enik chi’ ri Viceministro Walter Girón, ri xuya’ utzijoxik chi ke ri ajtijoxel pa le tijob’en ib’ ri’ are wa’ jun utzalaj b’e rech reta’maxik ronojel taq q’ij rech utz unimaxik kb’an ri chak patan ri’ xuquje’ eri eta’mab’alil kya’ chi’, are sib’alaj utz rech kakoj pa le ya’olchajinik winaqil tinamit ri’.

Are wa’ le ukab’ molaj ajtijoxel ri’ pa konojel e 24 ajk’amal b’e pa le tijob’en ib’ ri’, ri ketijox ri’ chi rij reta’maxik: nab’e taq ch’ob’onem rech ri Nuk’wokaj Tzijolil B’anikil Rachib’al Juyub’ Tinamit ri’, rech ukojik ri GPS xuquje’ rech kab’an  uwujil rachib’al juyub’ tinamit ri’, xuquje’ rech kekoj wuj rech rachib’al rulewal tinamit, q’oyoljuch’, retetb’al kajulew ri’, k’amal ub’eyal, eri eta’manik ri’ are wa’ kakojik ronojel q’ij pa taq le chakunem ri’.

 “chi kijujunal eri ajtijoxel chi’ ronojel q’ij k’o kichakunik kakib’ano rech kakiya’ uloq ub’ixik jas ub’antajik katajinik ri ya’olchajinik chi ke winaqil ri’ xuquje’ we jun k’uttijonem ri’ are ri’ jun chakub’al are rech kakojik aretaq wexa’ k’o kak’exik pa le retal rachib’al rulewal juyub’ tinamit pa wujil ri’ are ke’uya’ pa saq che uch’ob’ik jas chi chomanik kab’an chik ri’”, xcha’.

We jun b’anikil ri’ katajin chik ukojik pa le Dirección General rech Tránsito xa’rumal eri e are ri’ chi’ ketajin che ub’anik wujilal rech retal rachib’al rulewal juyub’ab’al rech ke’ilon chi rij jas ri kak’ulmataj pa taq nimab’e ri’, e are ri’ xetijoxik pa le nab’e molaj xetijoxik ri’.

Eri Viceministro Girón xuya’ ub’ixik che pa keb’ oxib’ q’ij ri’ kamajtajik le ukab’ uwach retal chik tijob’en ib’ ri’ are rech keta’maxik rech kakojik ronojel uwach ri eta’mim chik ri’.

COMPARTIR