E kajib’ xechapatajik rumal xkik’aq xuquje’ xkikamisaj ri e ajchajinelab’ ri’

209

E kajib’ chi achijab’ xechapatajik, kab’ixik rumal e are xkik’aq che k’aqb’alil ri keb’ e ajchajil tinamit rech ri Wokajil Ajchajil Tinamit ri’ (PNC), ruk’ jun ajpache’ pa Chimaltenango.

Eri xechapatajik e are taq wari’:

A Ariel David Barrios Castillo

A Gervin Heriberto Sales Romero

A Yonatan Alexander Hernández

A Gerver Octavio Calan Solis

Kab’ixik kuk’ xraqataj wi nik’aj ch’a’wb’alil ri k’o tzijob’al chupam chi rij ub’anik jun b’anow k’ax xkib’ano, aretaq maja’ na, pa le b’anow k’aqanik xuquje’ aretaq kib’anom chik ri k’ax ri’.

Eri tzukunem chi kij xe’uq’alajisaj che nik’aj b’anol k’ax ri’ k’o k’aqb’al Ak47 xkikoj ri’ xuquje’ e are kib’insam b’ik kib’ pa jun alaj ch’ich’ xar rij P-304 GHT, ri xkiya’ kanoq pa le 2da calle xuquje’ 5ta avenida rech ri zona 4 rech Chimaltenango, aretaq b’antajinaq chik ri k’aqanik kumal. Eri ch’ich’ ri’ xaq worotajinaq rij che k’aqb’al aretaq xek’aq ri’.

Man xaq ta ri’ ri e keb’ e ajchajil tinamit xekamik xuquje’ are jun xkamik ri jun apache’ ub’i’ Carlos Israel Giron Pascual xuquje’ k’o jun ajb’anol k’ax xkam ri’ are ub’i’ José Eduardo Max Jalal.

COMPARTIR