Utz pa uk’isik le Nim riqb’al ib’ rech e Ka’yel chomanel ri’

188

Eri Viceministro rech Q’atel k’ax, Axel Romero are xutz’apij uwach le Nab’e Nim riqb’al ib’ pa Tinamit rech taq Ka’yel chomanelab’ rech ri q’atel b’anoj k’ax ri’.

Eri patanel ri’ xub’ij che ronojel utz pa uk’isik xb’antaj ri’ chi’ xek’oji wi ri Ajkalte’ib’, ri K’amal b’e taq tinamit, e Ajch’ob’onel chomanel ri’, xuquje’ ruk’ ri k’amal b’e q’atb’altzij rech ri Nukwokaj Winaqilal ri’, ri ONG xuquje’ ri Jumulaj Tinamit rech pa Uwachulew ri’, juntir konojel ri’ xkikoj kanima’ kichomanik chi rij we jun ch’ob’otal chak ri’.

Pa le Nab’e Mulinem ri’ xmol k’i uwach chokonsb’al chakub’al kuk’ ri xe’opan chi’, ri are wa’ kakojik pa le uwokik le nim ub’eyal ub’anikil Nimchomanik ri’ pa Iximulew, ri kakoj ri’ pa le rajawaxik chi ke le tinamit ri’, rech k’o jun utz k’amow ib’ kuk’ ri e ajchajin tinamit pa taq le komon winaqilal ri’ xuquje’ rech qas utz kakojik pa le q’atel b’anoj k’ax ri’.

 “Eri kupatanij pa le nab’e riqb’al ib’ ri’ are rech kawokik jun ub’eyal ub’anikil ri B’anoj ilonem chomanik ri’ ri kuchomaj le qas rajawaxik chi ke taq le Ajkalte’ib’ pa taq le katinamit ri’, are rech jun utzalaj b’anoj ya’olchajinik pa tinamit chi ke ri winaqilal ri’ xuquje’ rech ri q’atel b’anoj k’ax ri’” xcha’ le Romero.

Eri molinem chomanik ri’ k’o keb’ q’ij xnajtib’ ri’ ruk’ le kitob’anik le e ajno’jchomanel rech taq tinamit pa uwachulew ri’ chi rij le wokajil e Ajka’yel Chomanel ri’ rech El Salvador, Honduras, Nicaragua, Colombia, México xuquje’ rech ri República Dominicana ri xkiya’o utzijoxik le kik’aslemam ri e are ri’ pa le kojb’al rech ri Wokajil Ilonem ri’, ri k’o utz taq k’exnem xkiya’o pa taq le katinamit ri’, rumal ri’ xqaj loq uchuq’ab’ ri b’anoj k’ax chi’ k’ut, ri k’o utz taq chomanik xkoj pa taq le tinamit ri’ xuquje’ ri k’o nim upatan xub’an pa taq le q’atel unawilik b’anoj k’ax ri’.

Eri Viceministro Romero xub’ij ri’ che we jun uq’axik we jun solwachinem ch’ob’onik chi rij ri’ rech kab’anik kawok uwach le ub’eyal ch’ob’otal chak ri’ xuquje’ ri k’o chik e k’i e Tob’anelab’ Tinamit pa le ukojik ri’, chi rij k’u ri’ k’o jun nim cha’onem kab’an chi rij pa taq le 30 uq’ab’tinamit ri e uchom chik rumal le Ministro Francisco Rivas Lara pa le jun Nim Ub’eyal Ya’olchajinik ri’, rech kacho’ik le ulewal k’olib’em ri kakoj wi’ jun chak patanem ri’.

Eri kojb’al rech le Wokajil Ilob’al rech are ri’ jun uq’axik uwach le naj kanajtib’ ri’ emu wari’ k’o chik le tob’anik chi rij kumal taq le taqawokajil ri’ le pa kiq’ab’ pa kichomanik k’o wiri’ le q’atel nawilin b’anow k’ax pa we amaq’ ri’.

 

Swiffy Output
COMPARTIR