pa utzilem xk’is ri Uro’ Riqb’al ib’ kumal ri K’amal b’e rech taq tinamit

96

Eri K’amal b’e rech ri 22 tinamit pa we amaq’ xetatb’enik pa le Uro’ Nimriqb’al ib’ pa Ama’ Tinamit kumal K’amal b’e rech taq tinamit ri’, chi rij b’anow chomanik chi rij q’atel k’ax xuquje’ ya’b’al joremal, chi’ k’u ri’ xek’uttijox wi chi rij jalajoj taq uwachtzijonem choman tzij ri are k’u wa’ kub’an chi ke rech sib’alaj utz ri kichak patan kakib’an ri’ pa le patanem keraqataj wi kuk’ ri winaq tinamit pa kichomaxik ri rajawaxik chi ke ri’.

Are wa’ k’isb’al Nim Riqb’al ib’ kb’an pa we junab’ ri’ pa le ya’b’al utzijolil ri ub’eyal taqanik pa le chak patan ri’ xuquje’ pa le b’anow chomanik pa tinamit ri’, are rech b’a’ kakojik pa taq le tinamit, are chakunem ri’ xb’antajik xa’ b’a’ maltyox che ri utob’anik ri Cooperación Alemana pa uq’ab’il b’anow Cholb’al chak ri’ le kuya’o nim uwa’lijsab’al ya’olchajinik chi ke ri winaqil pa juntir ri’ xuquje’ rech kachomaxik ri ch’ojinik pa taq wokajil winaqilal ri’ -FOSIT- de GIZ.

Eri Gobernadores xkiya’ loq ub’ixik che nim keki’kotik rumal ri b’anow taq riqb’al ib’ chomanik ri’ rumal are wari’ kuya’o nim tob’al chakub’al chi ke che ri rajawaxik kakikoj pa le kichak patan ri’ rech k’o jun utzalaj chomanik kakib’an chi ke ri winaqilal ri’.

Eri Claudia Avila, K’amal b’e pa tinamit Xe’laju’, xub’ij che we riqb’al ib’ ri’ k’o nim kupatanij chi ke, xa’rumal k’o kichakub’al ya’tal rumal ri are kakikoj pa le kichak patan tajin kakib’ano xuquje’ k’o pwaqil rech tojb’al chak ya’tal ri’ chi ke rech uya’ik uchuq’ab’ ri chakunik tajin kakib’an pa taq le tinamit ri’.

 “Rajawaxik k’ut ya’tal nim anima’ che ri b’anow chak patan ri’ xuquje’ pa usaqilem ri’ are retal ri taqawokaj pa amaq’ ri’ xuquje’ retalil ri k’uttijonem katajin ri’ rech uya’ik uchuq’ab’il ri’”, xcha’ ri Ávila.

Eri K’amal b’e rech taq tinamit xetijox k’ut chi rij jalajoj taq b’anob’al ri’ rech chak patan , rech kub’sib’al k’u’x xuquje’ rech choman q’atenik b’anow k’ax ch’oj kumal ri winaqilal ruk’ ri cholb’al chak rech q’atel k’ax ri’, rech ya’b’al keta’mab’alil rech kakib’an pa saqilem jun utzalaj qatan chak ri’ xuquje’ rech kakilo pa uchomaxik juntir ri k’axk’olil k’o pa taq kik’olib’al komon winaqilal ri’.

Eri Estela Ventura, K’amal b’e rech Alta Verapaz, xub’ij, “E chaqe uj ri K’amal b’e taq Tinamit ri’ eri k’uttijonem ri’ are kuchomirsaj qeta’mab’alil xuquje’ kub’an chaqe kujchoman ruk’ taq ri Ministerios ri ketatb’en pa le no’jchomanik ri’, xuquje’ rech kaya’taj pa utzijolil ri rajawaxik ri k’o ri’ pa taq qatinamit ri’”.

Eri Harald Himsel, K’amal b’e rech ri cholchak rech Kojb’al che Uk’exik Utewsib’al ri’ GIZ,  ri are xuya’ k’ut ub’ixik che ri Cooperación Alemana are katajin kuya’ nim tob’anik ri’ pa tinamit Iximulew rech katzuq uk’iyik jun ub’anikil no’jk’aslemalil rech chomanem ri’ rech te k’u ri’ kuya’ uchuq’ab’ ri b’anow chak patan pa taq tinamit xuquje’ pa usaqilem ri’.

Ruk’ ri V Encuentro Nacional kech K’amal b’e rech taq Tinamit, eri Ministerio rech Gobernación kutz’apij k’ut jun nab’e junab’ chak patan rech b’anow k’uttijonem pa le uya’ik uchuq’ab’il ri k’uttijonik chi ke ri patanelab’ e ajk’amal b’e pa taq tinamit ri’.

Swiffy Output
COMPARTIR