Tajin unimaxik ri ya’olchajinik rech aretaq keq’axaxik ri e ajpache’

89

Aretaq xb’antaj ri jun riqb’al ib’ chomanem ruk’ ri Comisión rech Gobernación rech ri Congreso  rech ri Amaq’il ri’, ri K’amal b’e rech ri Sistema Penitenciario (SP), Nicolás García Fuentes, xuya’ ub’ixik ucholaj ri chomatal chik chi rij kiq’axaxik ri e ajpache’ pa taq ja kunanib’al yowab’ ri’, are wari’ katajin unimaxik kojpa’ ri chomam chik ruk’ ri Procuraduría rech ri Derechos Humanos, xuquje’ ruk’ ri SP xuquje’ kuk’ ri Ja Kunanib’al Yowab’ pa Tinamit ri’.

E pa konojel ri e ajkun ketaq pa japache’ xcha’ ri K’amal b’e rech ri SP sib’alaj xuya’ ub’ixik ucholaj che e 12 e ajkun ri’ kek’oji che kilik ri e ajpache’ e yowab’ ri’, je ri’ pa taq ri japache’ juntir ri’ xuquje’ pa Santa Teresa.

 “Eri uno’jixik ri’ are rech kekojik e 30 chi e ajkun rech  e k’i b’a’ kek’oji pa taq le kekunax wi ri yowab’ pa taq Pavón, Cantel, Canadá, pa le Wokajil Japache’ xuquje’ pa Pavoncito, chi’ ri k’o wi jun k’ak’ ja rech kekunaxik ri e ajpache’ ri’, xaq xu’ wiri’ karaj e oxib’ e ajkun kekoj chi’ kuk’ keb’ achijab’ e ajkun xuquje’ ruk’ ixoqib’ e ajto’l kech ri’, rech kechakun chi rij ri rayox X, ri k’o chi’ xuquje’ rech kakil uwach ri ilb’al yab’il chi ke ri e yowab’ chi’, rech xuquje’ kak’oji chi’ jun ch’uti’n ja kunanib’al tipo A”, xcha’.

Pa le ja kunanib’al ri’ kek’oji wi konojel ri e ajpache’ rech ri Fraijanes, xuquje’ rech ke’il chi’ ri e ajpache’ rech ri Japache’ kech Achijab’ ri’ xuquje’ rech ri Santa Teresa ruk’ ri Anexo “B”, ei ub’antajil ri ri rayos, rech ilb’al rech ri esab’al wachib’al taq yab’ilal ri’ are kaq’ax chi’ are ri’ man kesax ta pa taq ja kunanib’al yowab’ kojpa’ b’anom ri’.

 “Eri katajin ub’anik ri’ are rech kaq’atexik b’anow k’ax kojpa’ le b’anom kanoq ri’ aretaq k’o k’ax k’ulmam pa taq ja kunanib’al yowab’ rech pa tinamit aretaq k’o winaq keraqataj ri’ chi’, rumal ri’ kak’ex b’a’ kiq’axaxik ri’ wexa’ k’o kek’am b’ik ri’ chi’ rumal ri’ ya’talil ri’ jun uwach taq kunab’alil rech kakoj chi ke ri e yowab’ ri’ rech ke’utzirik ri’, juntir k’ut ya’talil chi’ rech q’atib’al q’oxomal ri’ we are rajawaxik kakoj chi ke xuquje’ we rajawaxik k’o kepaq’ ri’ rech kesax ri itzel yab’ilal chi ke pa taq ri ja rech kunanib’al yowab’ pa tinamit ri’”.

 

Swiffy Output
COMPARTIR